فحص العروسين قبل القران ضرورة يرفضها الشباب والفتيات..

[هيثم]

فحص العروسين قبل القران ضرورة يرفضها الشباب والفتيات. واحدة من اهم قضايا الشباب ...
انت ايها الشاب مطالب أولاً بتقرير طبي يؤكد خلوّك من كل الأمراض، وأنت أيتها الفتاة بحاجة الى شهادة رسمية تؤكد استعدادك للانجاب الصحيح الخالي من العاهات والأمراض الوراثية.
هذا الكلام ليس «نكتة» أو مبالغة لكنه حقيقة واقعية وشرط أساسي ومهم، أصبحت تفرضه التجارب الطبيّة على كثير ممن تزوجوا وانجبوا أولاداً فيهم عاهات وأمراض مستديمة بعضها وراثي وبعضها يتعلق بدم الأبوين. ‏
إن إجراء التحاليل الطبية قبل الزواج من العوامل التي تؤدي مع مرور الوقت الى انخفاض عدد الاصابات المعدية بين الزوجين، وتقليل وصول العدوى من الناحية الأفقية من الأم الى طفلها ، وهذا الأسلوب من التعامل العلمي لا يمنع فقط انتقال العدوى بين الزوجين فحسب وإنما يمنع كذلك انتقال الأمراض الوراثية بينهما ، وللأسف الطفل وحده هو الذي يدفع في النهاية الثمن ، ويتم ذلك من خلال ظهور أمراض الدم والتشوهات الخلقية ولاسيما عند زواج الأقارب ، على أية حال ، فإجراء الفحوصات الطبية تعتبر قاعدة مطبقةوضرورية في بعض بلدان العالم، وذلك لوجود بعض الأمراض الوراثية ، عن طريق اجراء الكشوفات قبل الزواج يمكن التجنّب من وجود طفل معوق خلقياً ، وهذه الاجراءات ضرورية ومهمة ويجب ان تطبّق بنظام حديث. ‏
أخيراً: ‏
أغلبية الأطباء يطالبون بإجراء الفحوصات والتحاليل الطبية، ويعتبرونه فرض عين على كل شاب وفتاة قبل الزواج.. وقليلون جداً من الفتيات والشباب يقتنعون به ويذهبون طواعية الى الطبيب.. والبعض الآخر يرفض هذاالامر بتاتاً ، فقد تقع «الفاس بالراس» ويحدث ما لا يحمد عقباه، وينتهي الزواج.. قبل ان يبدأ. ‏
فما هي وجهة نظركم حول هذا الموضوع ؟؟؟

[سمهرية]

اخى هيثم انت الليلة اثرت موضوع فى غاية الاهمية وليك التحية انا بعرف واحدة اكتشفت بعد الزواج ان زوجها يعانى ورم فى الراس وما كانت لديها اى فكرة عن الموضوع دا نحنا فعلا محتاجين لفهم فائدة التحاليل دى وطبعا بطبيعة السودانين بيشوفو الكلام دا عيب عديييييييييييييييييل ومرفوض اى نقاش فية لكن مفروض الناس تكون واعية لانو دا مستقبل كتيرين ومستقبل اطفال معرضين للتشوهات حمانا الله واياكم

http://img171.imageshack.us/img171/574/jod9ghek9.jpg

[هيثم]

الاخت / سمهرية
اولاً لك الشكر علي مرورك الكريم ، وبالفعل اهلنا السودانيين بيرفضوا الموضوع ده للاسف ، مع انو الفحص قبل الزواج ممكن يؤدي الي اكتشاف اشياء خطيرة يمكن ان نتجنبها قبل الفاس ما تقع في الراس :ambulance: .
ولك التحية

[الضحوك]

الله يديك العافيه ياهيثم الموضوع مهم لكن زى ما بقول المثل(النصيحه حاره)الكلام جد عايز وقفه قصيره فى سوال يفرض نفسوا هل العندو مرض ما يتزوج؟.انا معاك فى عرس الاقارب اليوم اصبح خطر وانا ضده .والفحوصات لازمه من جهه ومن جهه ما لازم.فى النهايه بقول (لا يصيبنا الا ما كتب الله لنا).:schmoll:

[هيثم]

شكراً يا ضحوك علي المشاركة ، هذا يتوقف علي نوعية المرض نفسه هذا من ناحية ومن الناحية الثانية المقصود هنا زواج الاقارب احياناً يؤدي الي اطفال مشوهين خلقياً والفحص الطبي يمكن ان يتلافي هذه المشكلة
ولك التحية

[نادوس]

كلام في الصميم ولا كلمه بعده غير الناس تعمل به وجزاك الله خير

[ودالحلة]

كلام مليان يا هيثم .. ولكن ....
حنرجع تاني للواقع المر وهو عاداتنا وتقاليدنا ما بتسمح لينا بالكلام ده...

[sulafa]

بسم الله الرحمن الرحيم
السلام عليكم ورحمة الله وبركاته
شكرا لك .و بارك الله فيك ...
الموضوع بالجد عاوز وقفهو لانو الزمن العلينا دا الامراض منتشرة و يعني انت مطالب مع الشيله بعرض تقرير طبي كامل عن الحاله الصحيه
نفس السئ العروس لازم يكون عندها شهادة خلو طرف من الامراض المعديه والمستعصيه
والله يكوم في العون

[d.7deed]

موضوع ما كنت متوقع حد يفتحو مع انه الناس كلها بتفكر فيه بس في حاجه الزواج ده ما كليه حربيه لائق طبيا" و غير لائق
يعني من الاخر كده اذا حبيت ليك واحده حب بمعنى الكلمه حتتخلى عنها لانها مريضه ؟000000000000000والسؤال للانسات كمان
ارد براي ابــــــــــــــــــــدا" ما حاتخلى عنها ابدا" ابدا" حتى اذا طلعو ليها قرنا استشعار

[هيثم]

الاخوة نادوس & ود الحلة & سلافة & د . حديد
لكم التحية علي مشاركتكم القيمة ومروكم الكريم واسف جداً علي تاخير الرد نظراً للسفر ، ويا دكتور حديد ممكن اسالك سؤال اذا كنت تعلم ان ابنائك سيأتون مشوهين خلقياً هل ستوافق بالزواج ؟؟ لا اعتقد بانك ستقبل بذلك ودي واحدة من الامراض التي لها علاقة بزواج الاقارب وهذا ابسط مثل
ولكم التحية

[ودالحلة]

كلامك جميل يا د.حديد لكن لو عرفت إنو أولادك الحيكون عندهم قرون إستشعار بسبب الزواج من قريبة ليك ! حتوافق وتواصل في الزيجة دي؟؟

[هيثم]

تمام يا ود الحلة وانا معاك ، يد كتور حديد حا توافق واللا لا ؟؟؟؟

[thooby]

اولا تشكر على الموضوع
بقول للاخوان معرفة المرض وعلاجه ماعيب وكونك ما تتخلى عن البتحبه شعور نبيل جدا لكن ذنب الاجيال الجاية شنو ؟؟؟؟
وربنا يعافينا وذرياتنا اجمعين

[الدافعابى]

الفحص ماقبل الزواج نعم مهم بس البقتنع منوا
انا عن نفسى شايف انو مابى اى مرض او عيب لذلك مافى داعى اذهب للفحص ده . وبعدين الخوف من الفحص الواحد عشان يعمل فحص روتينى يومين مابنوم لما تطلع النتيجة وتكون كويسة حتى بعد داك يشيل نفسوا دايرين كمان تقتلونوا قبال نشوف الجديد ونخش القفص الذهبى بالخوف وانتظار النتيجة سلباً او ايجاباً . انا عن نفسى البنت الدايرها شاورتها وقالت لى دايراك بحالتك دى وانا قلت ليها راضى بيك وانا مغمض ...
الله يبعد عننا التشوه ويرزقنا بأطفال معافين سليمين وكاملى الصحة والنمو

[هيثم]

المشكلة يا دافعابي لا تكمن في انك تحبها او هي تحبك ومقتنعة بيك ، المشكلة هنا هي الاجيال القادمة والاطفال الذين يولدون ولديهم تشويه خلقي ، ما ذنب هؤلاء ؟؟؟

[umhamed]

شكرا يا هيثم على الطرح المفيد..... الموضوع مسخن لانو الناس بتفكر في العلاقه والمشاعر الحاليه وما بيفكروا في الجاي.....واول ما تظهر مشاكل صحيه يجوا يقولوا يا ريت لو......
اتمنى اي شخص دخل وشارك في موضوع هيثم يكون مقتنع انو بعدين يا يمشي يسوي فحص للحفاظ على السلامه العامه.....او ؟؟؟؟

[هيثم]

اكيد يا ام حامد الموضوع خطير والله ، ونتمني من جميع الشباب المقبلين علي الزواج تفهم الامر ، لا نو الضحايا هم الاطفال .
ولك التحية ،،،،

[رهـــــــف]

موضوع مفيد وقيم ويا ريت كل الشباب يعملو بيهو بالذات العندهم صلة دم قوية


لانو مشاكل توارث الجينات بيأثر كتير على الابناء

[ود كوستينا]

موضوعك جميل يا مشرفنا
أنا أول يوم أمر عليكم للأسف جزبني العنوان
عندي ليكم أمثلة حية
1/عندي صديق لي أخوة كان مغترب ذمن طويل
وكان خاطب بنت خالة وقبل تحديد موعد الزواج قررو الفحص
وكانت العروس ترفض بشدة وقد تشكك العريس وأصر علي الفحص
المهم بعد صعوبة إقتنعت العروس وذهبو للفحص وظهرت النتيجة
التي أفزعتهم وإتضح من الفحص إنها تحمل فيروز الإيدز الفتاك
ورجع السبب إن لديهم خادمة من جنسية أخري إستعملت فرشاة الأسنان
تبعها مما أدي لنقل الفايروس ومن ثم تم تأجيل الزواج بطلب الدكتور
من سنة إلي ثلاث سنوات ونسبة لحبهما وخطبتهما لفترة طويلة
صمد الرجل قصاد الموقف المروع ورجع إلي أمريكا مرة أخري
والحين تزوجها وأنجب ثلاث أولاد وفتح معمل ووهبة لفحص الأزواج
المقبلين علي الزواج مجانا علي النعمة التي وهبها الله علية
والمثال الثاني أبناء عم تزوجو ولم يفحصو والنتيجة
توارث الأبناء جميعا بأمراض خلقية ومشوه السبب
حقنة (إبرة )أرجو منكم أن تدعو لهم فإنهم جيراني
لماذا كل هذا
أخيرا أقول بأن الفحص شئ ضروري ومهم جدا
والمشاكل بترجع للأولاددد

[هشام طمبل]

تسلم اخوي هيثم بجد موضوع مفيد وقيم بس احنا الحمدلله تجوزنا المرحله ده . اللهم احفظنا من كل شر يارب

[بونه]

اخوي هيثم مشكور علي المجهود.

انا معاك في الفحص عشان الامراض الزمن دا امراضوا كتيره ( الله يحمينا كلنا)

لكن عشان الاطفال و باقي الحجات القلتوها الله لو رايد حاجه بتحصل مش لو عملتوا فحص:wacko:

[هيثم]

موضوع مفيد وقيم ويا ريت كل الشباب يعملو بيهو بالذات العندهم صلة دم قوية
لانو مشاكل توارث الجينات بيأثر كتير على الابناء

شكراً رهف حقيقة المشكلة خطيرة ويجب الانتباه

[هيثم]

موضوعك جميل يا مشرفنا
أنا أول يوم أمر عليكم للأسف جزبني العنوان
عندي ليكم أمثلة حية
1/عندي صديق لي أخوة كان مغترب ذمن طويل
وكان خاطب بنت خالة وقبل تحديد موعد الزواج قررو الفحص
وكانت العروس ترفض بشدة وقد تشكك العريس وأصر علي الفحص
المهم بعد صعوبة إقتنعت العروس وذهبو للفحص وظهرت النتيجة
التي أفزعتهم وإتضح من الفحص إنها تحمل فيروز الإيدز الفتاك
ورجع السبب إن لديهم خادمة من جنسية أخري إستعملت فرشاة الأسنان
تبعها مما أدي لنقل الفايروس ومن ثم تم تأجيل الزواج بطلب الدكتور
من سنة إلي ثلاث سنوات ونسبة لحبهما وخطبتهما لفترة طويلة
صمد الرجل قصاد الموقف المروع ورجع إلي أمريكا مرة أخري
والحين تزوجها وأنجب ثلاث أولاد وفتح معمل ووهبة لفحص الأزواج
المقبلين علي الزواج مجانا علي النعمة التي وهبها الله علية
والمثال الثاني أبناء عم تزوجو ولم يفحصو والنتيجة
توارث الأبناء جميعا بأمراض خلقية ومشوه السبب
حقنة (إبرة )أرجو منكم أن تدعو لهم فإنهم جيراني
لماذا كل هذا
أخيرا أقول بأن الفحص شئ ضروري ومهم جدا
والمشاكل بترجع للأولاددد
لا حول ولا قوة الا بالله ، الحمد لله يا ود كوستينا الراجل كان حا يروح فيها لولا اصراره علي الفحص ، وربنا يشفي جيرانك من هذه التشوهات الوراثية ويحفظنا جميعاً برعايته ، ومشكور علي المرور والمشاركة يا ود كوستينا
عاطر التحايا ،،،

[هيثم]

اخوي هيثم مشكور علي المجهود.
انا معاك في الفحص عشان الامراض الزمن دا امراضوا كتيره ( الله يحمينا كلنا)
لكن عشان الاطفال و باقي الحجات القلتوها الله لو رايد حاجه بتحصل مش لو عملتوا فحص:wacko:

اولاً حمد الله علي السلامة بونة بعد الغيبة الطويلة ، نعم ارادة الله فوق كل شي لاشك ، ولكن نحن هنا نتحدث من باب الحرص حتي لا نرمي بانفسنا الي التهلكة .
عاطر التحايا ،،،

[الدافعابى]

والله ياهيثم انا بخاف من الدكاترة ديل جنس خوف
وكل شئ ولا تقول لى امشى للدكتور إلا اكون ماواعى
لكن اكون مفتح وبتكلم بتزاوق منهم زى الزايق من
ناس الكشة فى السعودية ...

انا عارفوا ومقتنع بضرورته بس الخوف علاجو شنو ؟؟؟

[هيثم]

والله ياهيثم انا بخاف من الدكاترة ديل جنس خوف
وكل شئ ولا تقول لى امشى للدكتور إلا اكون ماواعى
لكن اكون مفتح وبتكلم بتزاوق منهم زى الزايق من
ناس الكشة فى السعودية ...
انا عارفوا ومقتنع بضرورته بس الخوف علاجو شنو ؟؟؟

هههههههههههههههههههه
ده شنو يا دافعابي ، قلت لي بتخاف من الحقنة !!! :tooth:

المهم الموضوع ده خطير والله واعمل حسابك لازم تمشي الدكتور

[سيما العسل]

اخونا العزيز هيثم مشكور على روايعك .....
صراحه الفحص مهم جدا بس المشكله لو انو الوحدة طلبت كدة الدنيا بتقوم وما بتقعد خاصه من جهت النسيبه يعنى حفتح باب مشاكل معاها قبل اى شى حتى لو طلعنا سليمين مابتنساها لى ابداا..... من ناحيه تانيه انا نفسى ماعندى الشجاعه انو اطلبه من الانسان الحارتبط بيهو تقيله صرحه مع انها فى الزمن دا بزات ضروره قصوى (خاصه انو ماتأخذنى يعنى اى شى بقى متاح للبت والولد)


بنسبه لى زواج الاقارب دا طبعا اكبر غلط للاسف كل الحاجات الحصلت فيهو واغلب الناس ما مقتنعه ....


ولو الله ادانى واحد فاهم وهدى ورضى وهو الطلب كدة حأشطرت انو الموضوع كلو يكون بيناتنا عشان ما نفتح علينا كلام ساى لانو الناس الكبار صعب انهم يوافقونا

عموما ربنا يسلمنا جميعا


ياريت لو القانون السودانى يشترط الفحص قبل العقد حفاظا لى الجيل الجاى من الامراض والعاهات....

[هيثم]

اخونا العزيز هيثم مشكور على روايعك .....
صراحه الفحص مهم جدا بس المشكله لو انو الوحدة طلبت كدة الدنيا بتقوم وما بتقعد خاصه من جهت النسيبه يعنى حفتح باب مشاكل معاها قبل اى شى حتى لو طلعنا سليمين مابتنساها لى ابداا..... من ناحيه تانيه انا نفسى ماعندى الشجاعه انو اطلبه من الانسان الحارتبط بيهو تقيله صرحه مع انها فى الزمن دا بزات ضروره قصوى (خاصه انو ماتأخذنى يعنى اى شى بقى متاح للبت والولد)


في البداية اشكرك علي التفاعل والمشاركة القيمة سيما العسل
اول حاجة هذا الموضوع بيعتمد علي تفاهم الطرفين المقبلين علي الزواج وصراحة موضوع عادي جداً اذا الجميع اتفهموا خطورة الموقف ، والحاجة التانية النسيبة اللي حا تتزوج واللا انتي ؟؟؟ ما تجاملي علي حساب نفسك لانو جد الموضوع خطير ومهم في آن واحد .
مع عاطر التحايا ،،،،

[احمد محمد علي]

اخ هيثم موضوعك جميل ومهم جدا واتمني من اهلنا
ان يرتقو قليلا بتفكيرهم وان ينظروالي المشاكل والعقبات التي
تترتب في حالة عدم الفحص الطبي والمعناه التي سوف تحل عليهم

[هيثم]

والله نتمني ذلك لنتفادي المخاطر المحتملة ومن اجل جيل جديد معافي من التشوهات الخلقية .
مع عاطر التحايا ،،،

[الجعلية الدلوعة]

حلو كلامك يا هيثم ومفروض دي تكون من الحاجات الضرورية لان الزمن ده بقى اي حاجة عادي حتى الزواج العرفي؟؟؟؟؟؟؟؟؟؟؟

[هيثم]

تسلمي يا جعلية علي المشاركة ، وحقيقة الزواج العرفي مصيبة

[ابراهيم الامين عبد الله]

"]أخي هيثم ...
والله طرقت موضوع غاية في الأهمية ويجب أن تهتم به الدولة أولاً ممثلة في أجهزة الإعلام لأن الأمر يحتاج للتوعية بدءاً بالشريحة المستهدفة وهي الشباب لأن قناعتهم بالموضوع تعني قطع نصف المشوار ومن ثم الانتقال للأسرة سواءاً الأسرة الصغيرة (الأب والام) ثم إلى الأسرة الكبيرة (الجد والجدة والخال والخالة إلى غيرهم من ذوي القربة) وليكن هذا الشأن قومياً ويكون علنياً دون أن نُخفي شئ من الحقيقة ودون أن ندفن رؤسنا في الرمال خوفاً من النتائج


لك الحتية والتجله

[هيثم]

"]أخي هيثم ...
والله طرقت موضوع غاية في الأهمية ويجب أن تهتم به الدولة أولاً ممثلة في أجهزة الإعلام لأن الأمر يحتاج للتوعية بدءاً بالشريحة المستهدفة وهي الشباب لأن قناعتهم بالموضوع تعني قطع نصف المشوار ومن ثم الانتقال للأسرة سواءاً الأسرة الصغيرة (الأب والام) ثم إلى الأسرة الكبيرة (الجد والجدة والخال والخالة إلى غيرهم من ذوي القربة) وليكن هذا الشأن قومياً ويكون علنياً دون أن نُخفي شئ من الحقيقة ودون أن ندفن رؤسنا في الرمال خوفاً من النتائج


لك التحية والتجله

مشكور اخونا ابراهيم علي المشاركة القيمة ، تحدثنا عن الموضوع من جانبين : الاول هو الفحص الذي يتعلق بالامراض الوراثية
والثاني : مايتعلق بالامراض الخبيثة حمانا الله منها مثل الايدز .
لذا يجب علينا ان توخي الحيطة والحذر عند الاقدام علي الزواج حتي لا نقع في اخطاء تكون عواقبها وخيمة علينا .
عاطر التحايا ،،،

[سفير الغربة]

أخي : هيثم
بارك الله فيك وفي طرحك لمثل هذا الموضوع المهم جداً والشكر لجميع المتفاعلين مع الموضوع لأننا في السودان نعانى ويعاني الكثيرون من الأمراض الوارثية أو أي مرض يكتشف بعد الزواج ( وتقع الفأس في الرؤوس وليس الرأس ) ونقعد يا ليت ويا ريت ( ولات حين مناص )
نريد أن نواكب التقدم أن نصبح أمه يشار إليها بالبنان في كل مناحي الحياة .
وأنا من المؤيدين وبشدة للفحص قبل الزواج ويا ريت ( الدولة ) تجعله الزامي كما هنا في السعودية ومعمم على جميع المحاكم والمؤذنيين الشرعيين بعد عدم توثيق أو كتابة عقد زواج إلاّ بعد إحضار شهادة الفحص الطبي .

أخوكم ومحبكم / سفير الغربة

[هيثم]

نتمني ان نواكب التقدم ونلحق بركب الحضارات التي سبقتنا ...

مشكور سفير الغربة علي طيب حديثكــ ....

[beta]

دا كلام في المليان......
لازم الناس تنتبه ليهو...

[هيثم]

مرورك اسعدنا بيتا ...

شكراً للمشاركة القيمة ...