سؤال ليكم يا شباب؟؟؟؟

[swakin]

أنا شابة اتخطبت لي واحد و اول حاجة طلبا مني انو اكون صريحة معاهو في كل حاجة اتبسطت شديد لما قال كدا عشان مفروض في نفس الوقي هو حايكون صريح معاي او انا كنتا فاكرة كدا المهم عشان هو شافني في عرس و قام سأل عني و ازن عارفي الباقي حصل شنو المهم اني حكيت ليهو بي علاقتي الكانت في الجامعة اتضايق طبعا و ده طبيعي جدا بس ما نسى و حاولت بكل الطرق اني افهمو انو مافي حاجة بيني و بين الزول الكان في الجامعة و جاب اهلوا و اتقدموا و المهم ما حصل نصيب بس انا خايفة انو يكون السبب اني حكيت ليهو بي الزول الفي الجامعة
يا شباب هل بترضوا تعرسوا وحدة كان عندها علاقة في الجامعة ؟
هل بتفضل خطيبتك تحكي ليك انها كان عندها برنامج ايام الجامعة؟
و لو صارحتك هل حا تنساها ؟
دي كلها اسئلة محتاجة لي اجابة
و في بنات كتار حاتكون مستنية جوابكم

[هيثم]

الاخت / سواكن
اعلمي اختي ان كل شي قسمة ونصيب ونصيبك موجود لا محالة وربنا يعوضك خيراً ، اما بالنسبة لعلاقة الفتاة السابقة فان معظم الشباب يفضلون الفتاة التي ليس لها علاقات سابقة هذا بدافع الغيرة وحب الامتلاك نوعاً ما ولكن هذا لايعني ان العلاقة السابقة بالنسبة للفتاة عيب ، ابداً فالحياة تجارب وفشل العلاقة مرتبط بالقسمة والنصيب ، اما عن مصارحة الزوج بالعلاقة السابقة فهذا مهم للغاية ويجب ان تكون القتاة صريحة في كل شي ولاتدعه يكتشف ذلك بنفسه وعندها سوف يحدث ما لا تحمد عقباه ، وربما يكون هو الاخر لديه علاقة سابقة اذن فليتفق الطرفان علي نسيان الماضي والاستعداد للمستقبل بكل الحب والعطاء. اتمني من الجميع المشاركة بارائهم.
مع عاطر التحايا

[waheed]

هل تمت خطبتك, مبروك عليك يا ستى وعقبال الفرحة
الكبيرة , لكن اثناء تسوقكم لشراء بعض حوائج الزوج (مع محرم)
تصادف مرور شاب تقدم منكى بمجرد ان لمحك, مرحبا ومسلما
هاتفا باسمك , يجفل الخطيب تتغير ملامح وجهه , يسال : من هذا
؟ وكيف ؟ وليه؟ ما هو ردك هل هو حبيب قديم ام زميل دراسة ام
ود الحله , كل هذا قد يحدث لا يوجد انسان معصوم من الخطأ
ولكن تأكدى من ان هناك من لا يصدق ولا يرضى ان يكون من ضمن
القائمة حينها سوف تفكرين كثيراً فيما كان .
مقتبس من احد اطروحاتي بعنوان " قف خط احمر "
ولى عودة مُفصلة فالطرح مميز ويحتاج الى نقاش جاد

[رجع البلد]

الاخت سواكن

ولو دا انا ما حاسيبه مالو ما فيها اى حاجه كتيرين بيعملوا كدا حتى الاولاد بيعملوا علاقه البنات ما يقولوا نحنا ما بنزوج واحد كان عامل علاقه زمن كان فى الجامعه.

وبعدين هى كانت صريحه معاك وحكت ليك عن حياتا زمان انتى حقوا تكون مبسوط انوا هى ما خبت عليك اى حاجه .

لكى منى جزيل الشكر الاخت سواكن ,

[سيما العسل]

الاخت سواكن انا بقول ليك مبروك على انو موضوعك معاهو ماتمتا ماتندهشى لانو واحد ذى دا حيكرهك اليوم الخلاكى تكونى صريحة معاهو بي شكو واسألتو الكتيرة يعنى هل معقول هو ماكان عندو علاقة قديمة ؟؟
انا بعتبر انو ماضى اى واحد هو حاجة خاصة بى طالما هو ماضى مفروض احاسبك على مابعد العلاقة البينكم كونو يعرف ماضينى فدا من باب العلم بشئ فقط عشان من البداية اكون صريحة وصادقة طالما ماضينى مافيهو حاجة تخجلنى الحب بين اى اتنين سوا فى جامعة او عمل او..... اى مكان ماعيب ولا حاجة الوحدة تتحاسب بيها لانها قبل ما تعرف زوجها دا ماكانت حجر ولاصخرة صماء
معليش احاسبك لو بعد ما ارتبطى حسا منك اى تجاوز او اتصال بينك وبين الزول الاول بى اى مسما
انا كان عندى علاقة مع ود اهلى انتهت وهو اتزوج بعد عرسو بفترة اتقدم لى حماهو رفضتو عشان النقطة دى لانو ما ممكن اقول لى كنت بحب راجل اختك صراحة دى انا شفتها تقيلة وفى نفس الوقت ماعايزة بجد ابدا حياتى بكذبة وهنا الموقف كان صعب
عشان كدة ياسواكن ويا كل الشباب ابدو حياتكم بصدق مع نفسكم ومع الطرف التانى لانو دى حياة للعمر كلو ما يومين تلاتة لانو الماضى لما اتسمع من برة معناهو فيهو حاجة

[swakin]

الاخت / سواكن
اعلمي اختي ان كل شي قسمة ونصيب ونصيبك موجود لا محالة وربنا يعوضك خيراً ، اما بالنسبة لعلاقة الفتاة السابقة فان معظم الشباب يفضلون الفتاة التي ليس لها علاقات سابقة هذا بدافع الغيرة وحب الامتلاك نوعاً ما ولكن هذا لايعني ان العلاقة السابقة بالنسبة للفتاة عيب ، ابداً فالحياة تجارب وفشل العلاقة مرتبط بالقسمة والنصيب ، اما عن مصارحة الزوج بالعلاقة السابقة فهذا مهم للغاية ويجب ان تكون القتاة صريحة في كل شي ولاتدعه يكتشف ذلك بنفسه وعندها سوف يحدث ما لا تحمد عقباه ، وربما يكون هو الاخر لديه علاقة سابقة اذن فليتفق الطرفان علي نسيان الماضي والاستعداد للمستقبل بكل الحب والعطاء. اتمني من الجميع المشاركة بارائهم.
مع عاطر التحايا


شكرا اخ هيثم على مشاركتك و شرا تاني على رايك و دعوتك لي الجميع لي ابداء رايهم

[swakin]

هل تمت خطبتك, مبروك عليك يا ستى وعقبال الفرحة
الكبيرة , لكن اثناء تسوقكم لشراء بعض حوائج الزوج (مع محرم)
تصادف مرور شاب تقدم منكى بمجرد ان لمحك, مرحبا ومسلما
هاتفا باسمك , يجفل الخطيب تتغير ملامح وجهه , يسال : من هذا
؟ وكيف ؟ وليه؟ ما هو ردك هل هو حبيب قديم ام زميل دراسة ام
ود الحله , كل هذا قد يحدث لا يوجد انسان معصوم من الخطأ
ولكن تأكدى من ان هناك من لا يصدق ولا يرضى ان يكون من ضمن
القائمة حينها سوف تفكرين كثيراً فيما كان .
مقتبس من احد اطروحاتي بعنوان " قف خط احمر "
ولى عودة مُفصلة فالطرح مميز ويحتاج الى نقاش جاد


أخ وحيد الخاطرة موضوعا جد مهم و دسم
و ممكن نفس الاسالة تطرح بعد الزواج و ممكن في حلات تاثر فيه
في نفس الوقتفي حاجات كتيرة اتغيرت من 10 سنين فاتو يعني في خطوط حمرة ما بقت حمرة بس في خطوط لس حمرة و حتفضل حمرة
و انا مستعدة لي النقاش الجاد زي ما متأكدة انو في ناس كتيرة هتشارك في النقاش ده

[swakin]

الاخت سواكن
ولو دا انا ما حاسيبه مالو ما فيها اى حاجه كتيرين بيعملوا كدا حتى الاولاد بيعملوا علاقه البنات ما يقولوا نحنا ما بنزوج واحد كان عامل علاقه زمن كان فى الجامعه.
وبعدين هى كانت صريحه معاك وحكت ليك عن حياتا زمان انتى حقوا تكون مبسوط انوا هى ما خبت عليك اى حاجه .
لكى منى جزيل الشكر الاخت سواكن ,


شكرا لي مشاركتك يا مشرفنا

[swakin]

الاخت سواكن انا بقول ليك مبروك على انو موضوعك معاهو ماتمتا ماتندهشى لانو واحد ذى دا حيكرهك اليوم الخلاكى تكونى صريحة معاهو بي شكو واسألتو الكتيرة يعنى هل معقول هو ماكان عندو علاقة قديمة ؟؟
انا بعتبر انو ماضى اى واحد هو حاجة خاصة بى طالما هو ماضى مفروض احاسبك على مابعد العلاقة البينكم كونو يعرف ماضينى فدا من باب العلم بشئ فقط عشان من البداية اكون صريحة وصادقة طالما ماضينى مافيهو حاجة تخجلنى الحب بين اى اتنين سوا فى جامعة او عمل او..... اى مكان ماعيب ولا حاجة الوحدة تتحاسب بيها لانها قبل ما تعرف زوجها دا ماكانت حجر ولاصخرة صماء
معليش احاسبك لو بعد ما ارتبطى حسا منك اى تجاوز او اتصال بينك وبين الزول الاول بى اى مسما
انا كان عندى علاقة مع ود اهلى انتهت وهو اتزوج بعد عرسو بفترة اتقدم لى حماهو رفضتو عشان النقطة دى لانو ما ممكن اقول لى كنت بحب راجل اختك صراحة دى انا شفتها تقيلة وفى نفس الوقت ماعايزة بجد ابدا حياتى بكذبة وهنا الموقف كان صعب
عشان كدة ياسواكن ويا كل الشباب ابدو حياتكم بصدق مع نفسكم ومع الطرف التانى لانو دى حياة للعمر كلو ما يومين تلاتة لانو الماضى لما اتسمع من برة معناهو فيهو حاجة


عرفة يا سيما بي الجد هو كرهني اليوم الحكيت ليهو بي القصة دي لكن بعد ما الخطبة انتهت و قعت مع روحي لقيت انو في حاجات كتيرة ما كان مكن اتفق معاهو فيها بس يمكن عشان نفسي ابني عيلة و هو من عيلة كويسة و بعرف ربنا اتغضيت عن حاجات كتيرة وقتها بس ب الجد الحمد لله على الحصل و لتعلمت حاجات كتيرة من تجربة دي


و شكرا على مشاركتك يا عسل

[الضحوك]

:red_smile: اسمعى يا سواكن اشكرى ربك على انو طلعك من المصيبه دى اولا .تانى الزول ده معقد وعندو نفسيات واكيد عندو حاجه فى نفسوا وزى ما بقول المثل(فى بطنوا حرقص براهوابنطط يرقص ).بتمنى من كل قلبى واحد احسن منو يسعدك دنيا واخره.

[TaBoOt]

سلاااام واللهي يااا سواكن قولي الحمد لله اصلااا الزوول دااا كويس انك بعدتي منوووو ومع احتررامي لكن الزوول دااا شكلووو من الناس الما بتواجه الحقاايق والناس لو ماا كانوو صريحين من اول مره يعني حيكوونوو متين المهم يااا بت الحمد لله على كل شي والزواج قسمه ونصيب

[swakin]

:red_smile: اسمعى يا سواكن اشكرى ربك على انو طلعك من المصيبه دى اولا .تانى الزول ده معقد وعندو نفسيات واكيد عندو حاجه فى نفسوا وزى ما بقول المثل(فى بطنوا حرقص براهوابنطط يرقص ).بتمنى من كل قلبى واحد احسن منو يسعدك دنيا واخره.


الضحوك ربنا يضحكك دنيا و أخرة و من اسمك ظاهر انك انسان او انسانة متفائلة لي درجة انو بتخلي الحولينك متفائلين زيك

حافظ \ حافظي على الصفة دي قدر المستطاع


و شكرا شديد على المشاركة

[swakin]

سلاااام واللهي يااا سواكن قولي الحمد لله اصلااا الزوول دااا كويس انك بعدتي منوووو ومع احتررامي لكن الزوول دااا شكلووو من الناس الما بتواجه الحقاايق والناس لو ماا كانوو صريحين من اول مره يعني حيكوونوو متين المهم يااا بت الحمد لله على كل شي والزواج قسمه ونصيب
و الله شكلو كدة يا اما عايش في عالم غير عالمنا ده يا ما عايش في عالمنا ده الله يهديه
بسس عاوزة اسألك سؤال المعنى لي nick name حقك بس اسم ؟ ولا taboot as تابوت

[y.mo]

الموضوع بختلف من راجل لي تاني

بس عني انا ما عندي مشكله انو ارتبط بي واحده كان عندها علاقه حب (( بريئه )) سابقه

والعلاقه دي بتحكما حاجات كتيره ولازم تكون عفيفه

وانو البت تصارحني بي انو كان عندها علاقه سابقه فدي بالدنيا ومعناتو انو البت دايره تكون واضحه معاي وانا لازم اكون واضح معاها

[swakin]

ان شاء الله تلقى ليك وحده تكون صريحة معاك في كل حاجة