اين تذهب حين تبكي؟؟؟

[شـــــوق]

اين تذهب حين تبكي؟؟

من منا لم يتشاجر مع اخوته؟

من منا لم يبكي يوما لموقف ما؟

و من منا لم يهرب جريا عندما يحدث أمر كهذا؟

ولكن الى اين تذهب ؟؟؟



طبعا معظمنا فعل ذلك.. لكن؟!


هل فكرت لماذا تذهب الى هناك و ليس

الى حضن امك او اخوك الكبير او اختك الكبيرة مثلاً؟


ماذا تفعل هناك؟



تخرج خارج المنزل ؟؟

ام كنت تختبئ في زاوية في خلف المنزل او في المطبخ او المخزن ؟؟






الى اين تذهب؟؟


ومتى تعود ؟؟


ما هو شعورك حينها ؟؟

وهل ضحكت يوما على نفسك عما تفعله؟؟؟
__________________

[وليد الدنقلاوى]

اهههههههههههههههههههههههههههه من البكاء يامه بكينا وشكينا وما لقينا حضن يسمع لينا ولكن بالنسبه لى افضل البكاء على حضن والدتى اطال الله فى عمرها ولكن افتقها لاغترابى خارج الوطن ربنا يرد غربتنا جميعأ قولو اميييييييييييييين

[سـ هيثم ــــدا]

بي صراحة انا لمن كنتا ببكي كنتي ببكي في مكان ما فيهو زول
ما عارف لي؟ ماداير الناس يشوفو لنهزامي ؟ولا دا كبرياء؟



















(تخريمة:انا من زماااااااااان ما بكيت)

[بناوي يجرح ويداوي]

زمان كنت بتوجه لاغلى انسانه واعز صديقاتي وهي
من قيل فيها رب اخت لك لم تلدها امك
تعرفت عليها بالصدفه وزي ما قالو احلى من الميعاد صدفه
ربنا يحفظها الان افتقدتها لاني سافرت برا السودان
فلا يوجد من اتوجه اليه سوا عرض الحائط

[كورتينا]

عندما تحين تلك اللحظه اهرب الى اي مكان لاترمقني فيه عين
لاني اعتبر تلك اللحظه لحظة ضعف واحاول اخفيه حتى عن اقرب الاقربين لي.

[شـــــوق]

وانا زيكم كده ومافي انسان ماببكي وانا لمن ابكي واحس الدنيا ضاقت بي بفضل اقعد مع نفسي واتذكر كل شي حلو في حياتي مابحب احس بهم في قلبي

[faresalhag]

تحياتنا زهرة تعلمين ان بكاء الرجال حار جداً وأول سلم للهروب نتدرجه هو ذلك المنديل الذي يواري ضعفنا الذي نحسه في تلك اللحظات وتبدأ الخطوة الثانيةفي البحث عن من الذي يخفف عنا تلك الأوجاع فلا نجد غير الجدران والتواري خلفها خجلاً وحياءً من تلك الدموع التي أنهمرة ومهما كانت اسبابها فهي عيب في حقنا مع علمنا بأن البكاء يذيل عنا الكثير من الآلام ويمتص كثيراً من الغضب ويغسل الروح وينقيها لذلك تجدنا بعد ذلك اكثر راحة وحقيقة نحتاج جميعنا لتلك الدمعات لانها دليل علي قلوب في دواخلنا تتحرك وتبكي وتفرح بغض النظر عن المسببات ولكي خالص الود وموضوعك الشيق :sweatingbullets:

[كاندي]

مشكورة الاخت زهرة شوق
انا ببكي بس مافى واحد يشوفني يعني با الدس

وانا عندي مشكلة مع البكاء دا بي صراحة انا فى وفاة ابوي الله يرحمو مابكيت نهائي لمن الناس قالو لى انت قلبك قاسي لكن انا من النوع الببكي فى المواقف المفرحة والمحزنة عدا الوفاة سبحان الله ياما بكيت مع المسلسلات والافلام والله حاجة غريبة مش كده والله مرة كنت فى السينما ومندمج مع الفلم بقيت ابكي فى واحد قاعد جمبي شاف الدموع مع الظلام تلمع كده استغرب فيني وقعد يقول لي الحاصل شنو طبعاً ماقدرت اقول لى ببكي عشان البطل والبطلة قلت لى اتزكرت موقف حصل لى زي دا.

[بنت الشمالية]

أنا بمشي لقرب سرير وعينك ماتشوف النور لكن بجد برتاح بعدها وبنسي اي حاجه بكتني

[الدافعابى]

الى البحر

[ريل]

انا دائما دموعي بتحرجني لانها قريبه شديد لو في زول غازني سى انفقع بكا واخجل من دموعي البتنزل دون سابق انزار لمن ازعل شديد بزات من اقرب الناس ابكى في سريري لساعات طويله لمن انوم بقوم مرتاحه وبعض امرات ببكى في الحمام

[رؤى]

انا عندي مشكله مع البكى


ماببكي في نفس اللحظه البتألم فيها او بتصدم فيها


مابكون فاهمه احساسي شنو


بس بعد يومين تلاته اربعه ببكي شديد كأنه ما عدى على الموضوع ايام


وببكي قدام اي زول وبقول اي حاجه

[t.c]

انا مشكلتي زي بطوط .. يعني مثلا يوم حبوبتي ماتت و خالي ( الله يرحمم ) مابكيت في نفس اليوم لأنو ماكنتا مستوعبة الحاصل لكن تعال شوف بعد 3 يوم لمن استوعبتا .. و الله ماقدرتا اوقف بكاء .. ببكي وين .. في سريري .. ولو كنتا بعيدة منو بحاول اتحمل لحد مااصل البيت و ارقد في السرير و ابكيييييييييييييييييييي لحد ماانوم ..

[صفاء الروح]

غرفتي وبالتحديد سريرى وابكى لغايت مانوم ولما بصحا بكون حاسة ان مافى شئ حصل وبكون ناسية اللى زعلنى اصلا


شكرا على الموضوع الجميل

[شـــــوق]

شكرا ليكم كتير على تفاعلكم مع الموضوع



تسلمو ياحلى ناس

[سيدة الاقمار]

مكرر
اين تذهب حين تبكي؟؟؟
http://vb.sudanson.com/showthread.php?t=7329