سؤال شخصي ؟!, بحاجة للجرأة وصراحة للإجابة [الأرشيف]

عرض كامل الموضوع : سؤال شخصي ؟!, بحاجة للجرأة وصراحة للإجابة

العز ابن السودان

09-10-2007, 08:06 PM

السلام عليكم ورحمة الله وبركاته

عندي سؤال شخصي

بس كل واحد لازم يكون صريييييــــــح وجريــــــئ...
يلا نشوف مين ح يكون قدر المسؤولية وصادق مع نفسو ومين ح يجاوب.

السؤال :

من خلال تجربتك الشخصيه في عالم النت ..هل ستسمح لأولادك مستقبلا بأستخدامه (اي استخدام النت) ؟؟
هذا السؤال يتعلق بك شخصيا وبما فعلته او لم تفعله من خلال تجربتك مع الانترنت.

ارجوا ان ارى اكبر عدد ممكن من الاجوبة الصريحه.

نسمة النيل

09-10-2007, 08:24 PM

أنا شخصيا مستحيل أمنع عنهم نبع معارف زي النت...
لكن ح اهتم شديد بمسألة التربية وأديهم الخطوط الحمرا..
وبعد كدا حتكون مبادئ الزول هي احسن رقيب عليهو...

بمنتهى الصراحة....

محمدبخيت

09-10-2007, 08:52 PM

مافى اى مانع من استخدام النت زى مافيهو حاجات سيئه فيهو حاجات ممتازه وبعدين الزمن الجاى دا الاميه حاتكون فى التكنلوجيا
واى زول بعرف البضرو من البصلحو
يديك العافيه

swakin

09-10-2007, 09:25 PM

اي حاجه سلاح ذو حدين

النت و التلفزيون و التلفون و حاجات تانيه كتيره

و النت حسي حاجه اساسيه في حياة كل انسان كبير او صغير

يعني ناس المدارس لي المشاريع

ما ينفع امنع طالب عن النت بس لازم يون في رقابه دي حاجه اكيده

ولو مافي منو

09-10-2007, 09:42 PM

السلام عليكم

أخي زيزو مسيت بالخير..
أنا عن نفسي لا ولن اسمح لهم بالجهل الذي سوف يكون فيما بعد في عالم التكلونوجيا
فسوف اوفر لهم كل ما هو جديد في عالم التكلونجيا وأكون شديد الحرص على ان اتابع خطواتهم
على النت وكل كبيرة وصغيرة سوف اجزايهم بها واحاسبهم .. وهنا تتخذ قرارت تربوية صحيحة لكي
لا يقعون في الخطأ مرة أخرى ..
لك التحية والتقدير .

ليتيسيـــا

09-10-2007, 09:43 PM

اكيد طبعا و هشجعم كمان

و على فكرة انا امى هي العملت لي الايميل هقي و عشان كدا محتفظة بيهو
من زمااان و ما غيرتو ..

و مدام انا مربياهم تربية صحيحة ما بخاف عليهم و بكون واثقة فيهم

و واثقة من تربيتي

وهج الصباح

09-10-2007, 10:08 PM

طيب ياخ زيزو النت زيه زي اي حاجه في الدنيا
عندها الكويس والكعب اهم حاجه التربيه
يعني بعدكدا الانسان يكون رقيب على روحه
بعدين في الزمن الجاي دا المابعرف للنت زي الانسان الامي
مستحيل امنعهم منه بالعكس بس كل شي في وقته

tooofy-2.x

09-11-2007, 06:10 AM

و الله النت زي ما عارفين فيهو سلبيات و ايجابيات كتيره

و الحياه عامه فيها الصاح و فيها الغلط ... فيها الخير و فيها الشر و ............

لكن لو الزول ربى أولادو تربيه سليمه و وراهم الصاح من الغلط تاني ما اعتقد بعد ده في خوف عليهم من

اي حاجه .

أنا بصراحه ح خليهم يستخدمو النت .

لو الله كتب لينا عمر للزمن داك

سيدة الاقمار

09-11-2007, 08:01 AM

الانترنت و خطورته
http://vb.sudanson.com/showthread.php?t=22786