زول بسيط خلاص

[brantood]

ممنوع دخول الرسميين والمكشرين دايما
شوفوا يا جماعة ) ترى الكلام كتير واللى عنده شغل والا طبيخ فى النار وخاصة العزاب ماينتظر ويجيب اللوم على ,واللى عنده شغل يمشى يخلص وبصراحة انا قلت فى نفسى عندى شنو,يوم اجازة والاولاد فى الحديقة وقلت احسن افش خلقى شوية بموضوع ذكره لى احد الاصدقاء عن نفسه وهو من النوع الذى يضيق الخلق وليس لديه علاقة بالجنس الاخر ويتمنى ذلك ولكنه ليس وسيما كبقيه اقرانه,يحاول التودد للبنات ولكنه لا يعرف بداية الطريق,وحتى انه قال ذات مرة ان احد الاشخاص ربما عمل له شيئا(عملة ,او كجور يعنى, يا عينى وسيم الطلعة,وعلى ايه العملة؟ بالله,على جمال انفك العامل ذى الصامولة والا على خشمك اللى مش عارف ايه,وقد حاولنا مع بعض الزميلات لكى يهتموا به قليلا لكى يرفعوا من روحه المعنوية ولكنهم لم يستطيعوا اجادة التمثيل,المهم ندخل الموضوع(يا ساتر يا دوب عايز تدخل الموضوع)والكلام على لسانه وما على الا التدوين

في يوووم مشـمـس وخنفشارى ... حيث كانت اصوات الذباب الرقيقة تداعب اذنى والصراصير تتمخطــر على جسمــي المرهف .. والناموس تحوم حول خدودى لكى يتشمس.. وانا اغـط في نووم عميــق ..وبجانب راسى جردل كبير عشان اللعاب اللى بسيل وانا نايم ولزوم الصعوت كمان .. وكنت غرقان في الاحلاااااام الورديه وكان طموحى الاول والاخير اني اتعرف على بنت)يا سلام على البنات)

المهم وانا في عز النووم وومع طوفان اللعاب الا فجــأه .. رن التلفوووون وقربت ابلع سفتى .. وطبعا تلفونا, الوالد الله يسامحه شايل كل الاصفار .. وما مخلىالا رقمين التسعه والثمانيه .. يعني ما فى ليك طريقة الا تتصل الشرطة او الدفاع المدنى وغيره مافى ... المهم رفعت السماعة واقول نعم .. الا وذلك الصوت اللي يررد الروووح .. صوت بنت .. واخوكم اذا سمع صوت بنت بطنه بتوجعه وانواع الاسهال .. وتلبك فى المعدة وارتفاع فى ضغط الدم وصفرار فى اللون,المهم قالت الووو .. وانا بعد كدة ما قدرت اقول ايه,اشليت,وجانى الرعاش,بتاع محمد على كلاى وبقيت ذى ياسر عرفات الشلاليف شغالة ومافى كلام مثل الشريط الفاضى اللى فى المسجل, و قلت ا لوووووو .. قالت .. مين معاي ..؟؟ قلت .. معاااك انااا .. (( صرااحه جواب يدل على الذكاء ..!! )) وهي اللي تضحك .. وانااا قلبي, اه واه, احس انو قلبى مش طبيعي ويمكن اتحول للجنب اليمين وانا ما اعرف,واتشربك الكبد مع البنكرياس ,والقفص الصدرى وصل الصرة,والمصران الاعور بقى احول وقاالت لي .. سوسو موجوووده ..؟؟ قلت ليها .. ما ينفع حـوحـو ..؟؟ قاالت مين حـوحـو ..؟؟ .. قلت .. هذا اسـم الدلـع حـق الحمار اللي هـو اناااا ... !! وضحكت للمره الثانيه على التوالي .. وقاالت .. يؤيؤ .. الظاهر انا غلطانه .. طيب آسفــه ... قلت ليهااا .. لاعادي.. لاشكــر على الواجب .. (( دايما اسمع الكلمة دى .. وطاخ.. قفلت السماعه ... :
تصدقوا .. ما تعرفوا اللى حصل لى .. حسيت بقشعريرة في جسمــي .. وان افرازات الخشـم زادت عندى .. نفسى ارقد فى الحوش واكتب قصيدة هجائية .. واوع يكون دا الحب البقولوا عليهو .. (( يلعن ابو الحب اذا كان بوجع المفاصل ..!! :عاد انا ماني متعود على البنات .. لان بيتنا ما شاء الله فيهو خمسة عشرة رجال كل واحد ينطح الثانى ,والانثى الوحيدة فى البيت هى امى(العجوز)وما تعتبر انثى بعد كدا ..: ))
المهم .. يعني انا واخواني ما بنشوف بنات الا فى الشارع .. وهذا هو سبب عقــدتنا وتسمى العقـده الفيسلووجيـه .. (( من وين جبت الكلمة دى كمان)
ومن اعراض هذه العقدة انك بتحـب اي شـئ مؤنــث منشفـه , ولاعة ,نملة , سفينـه , , زباله , المهم شي مؤنث وبـس ... لــدرجـة انه في مره من المرات ابوى جاب شغاله بس بالسلف من قرايبنا بسبب مرض الوالدة.. ومن يوم دخلـت البيـت الا وانا واخواني مرتكزين عنــد الباب ,تمشى.. ونمشــي وراها .. تدخل المطبـخ ونحن وراها مع انو شكلها تقطع الخميرة من البيت .. تمشى الصالة ونحن وراها . ما لازم!! اول مرة نشوف فتاة فى البيت. تطلع .تمشى الحمام ننتظرها جنب الباب .. تخيلوا اكثر من عشرة شاب وراء البنية وتشوف تقول الكاميرا الخفية هناك ..... واذا جاء وقـت نومهااا .. راقدين على بطونا فى الارض انا واخواني عنــد باب غرفتها لحد ما تصحى.. لا ونتصنت عشان نسمع كيف تشخر البنات .. نغسـل بدلها الصحون والملابس ونكنس البيت وكل واحد عايزها لنفسه( يا حليلها) المهــم .. انا قررت اتعرف على بنات بشتى الطرق ... بس فيــه مشكلــه واحـــده اللي هـي ,انا ما عندى اسلوب ابــداً...(( يعنـي وقفـت على الاسلوب بس؟؟..يلعن يومك ما انت عندك الف مشكلـه مش مشكله واحدة .. واهمها مشكلــة وجهـــك اللي كانه لوحة كبيرة مكتوب فيها انتبه امامك نقطة تفتيش..!! )) وانا ماشى محتار لقيت واحد شقى اسمه لؤى ابكر من صعاليك الحلة وشرحت له ظروفى وانو نفسى اتعرف على واحدة قبل ما يفتكرنى ربنا قال لى. (( اخسسس وليه ما جيت من بدرى ..!! ):: وقال انو الحكاية بسيطة وما تستاهل .. اذا انت عايز البنات يحبوك؟ حسـسـها انها احسـن واحدة فـي العالم ... قلت لـه .. يعنـي كيــف .. يعنـي اقول ليها انتـي احســن مـن مارادونا .وزيزينهو ورونالدينهو وجوزينهو.مع انو ما بعرف ولا واحد فيهم, ولكن اسمع عنهم فقط.!!.ورد وقال انت ثور .. وايه اللى دخل مارادووونا , واولاد اعمامه يا غبى .. !! اناا قــصدي انـك تحسسها بانوثتهاااا وانو ما فى بنت غيرها في العالم .. قلـت لـه .. برضه مافهمـت .. يعني عايزنى اذبح كل البنات واخليها لوحدها؟ , وقال لي .. شوف انت حمار .. والظاهر ما حتفهم الا بالدروس العمليــه ...والخصوصية ويطلــع جواله ويضرب .. وقال لي .. شووف انا حسع بكلم واحدة .. وانت انتبــه لاسلوبي .. وتعلــم .. قلت لـه .. طيـــب ...
وكلم .. وقال .. هلا حياتي هلا عمـري هلا روحي .. انا لــؤي حبيبـك ومجنونك.. احبــك وامووت فيــك .. انا بدونك مثــل البيـت بدون حاره .. مثل التلفون بـدوون حراره .. مثل السواق بدون عربيه .. اناا البنـزين وانتــي الشراره .. انااا الشارع وانتي الاناره ..اناا الرومانسيـه وانتـي الاثاره .. اناا مبنى التجاره العالمي وانتـي الطياره ... (( قســما بالله ما فضلت الا اضمه وابوسه عندما سمعت كلام جميل منمق اسمعه لاول مرة ..و حسيت بشعور غريب .. الله يلعنه لو كان بكلم الجدار كان ذاب ))
المهم .. انو خلـص المكالمـه .. والتفـت لي .. وقال لي .. يالله دورك .. بديك رقـم بنــت وكلمهااا .. وقول ليها نفــس كلامي ... قلـت لـه بكـل خجـل .. طيـب .. وهو اللي يــدق علــى بنــت ويدينى الجوال عشان اكلمها ... وانا اللي اقول الووووو .. ولمن سمعــت صوتها ضاع الكلام وماتت حروف الكلمات .. ونسيـت كل الكلام .. وقلت ليهااا .. بابا فيـــن ..!! وما حسـيت الا بكف من النوع الجامد فى قفاى ... وقال لي .. قـول نفس الكلام اللي قلتـه ليك يا ثور... وانا اللي اقول لهـااا ... هلا حياتي هلا رووحي هلا تعالي .. وقالت .. طيب وبعــدين ... قلت لهااا .. انااا بدوونك مثـل الكيبووورد بدوون فاره .. مثل التقااطع بدون اشاره .. مثـل الحمار بدوون حماااره ... مثل السلطـه بدووون خياااره .. انااا محترررف وانـي نظااام الإعاااره ... انااا الولاااعه وانتـي السجاااره ... انااا الصرصووور وانتـي البياااره ... اناااا طوووط طوووط طوووط طوووط ... قفلـت الخـط في وجهــي ..وربما بسبب الرجفة اللى عندى.. قاال لؤى شنو مالك؟؟ .. قلـت لـه .. لا ابــد الخــط مشغوول ...!! (( مايعرف يصرف ابــــدا ..!! )) رجعت البيت وانا جسمى كله مجروح من كترة الضرب من لؤى الجن.مشيت البيت ودغرى للسرير.... وفـي عــز النوم .. دق جررس التلفون .. واررفع السماعه .. الا هـي نفـس البنــت اللي كلمتنـي اول مره .. قلـت .. نعــم .. قالت .. سوسو موجوووده ..؟؟ قلـت لهـا .. شووفي .. بيتنا كلــه شباب .. ومافى احـد يبدا اسمـه بحررف السيــن .. انا واخواني كلناا اسمنا خالد .. وما فيه الا اخوي الصغيــر عثمان هو اللي اسمــه بلال عبدالرحمـن (والبنــت جرررت ضحكة طويلة .. وقاالت ما شاالله دمـك خفيــف ... (هي تحسبني استهبل وانا ما بعرف فى البطيخ وانسان على نياته )) وقلــت ليهااا .. شكــرا .. (( عامل مؤدب
وسـألتنـي البنــت .. بتعمل شنو حسع ..؟؟ .. قلت ليها .. والله كنـت نايم ... قالت .. يؤ يؤ تنام في الليل انــت ..!! .. قلت .. اجــل متـــى انام ..؟؟ قالت .. لاااا انااا اناااام في النهااار واسهرر في الليـل ... قلـت لها ليه الاخت بومة؟؟ ..!! قاالت .. لا بس الليل وقـت الرومانسيه .. انت تعررف الرومانسيه ..؟؟ قلت ليها .. لاوالله ماا اعررف بناات انااا ...!! (( عامل فيها فاهم كل حاجة ..!! ))
وسألتنـــي .. انت اسمك منو؟؟ قلت ليهـا, مصعب, قالت معنى الاسم شنو؟ .. قلت ليها .. اسـم كلـب كان عنــد جـدي وسماني ابوي عليـه لانـي اشبـهه .... وسألتهااا .. وانتــي اسمك مين ..؟ قالت داليدا .. قلت لها .. انا عايز اعررف اسمك مش عيارك ...!! قالت دا اسمــي ..!! (( دايما البنات لمن تسال من الاسم تقول لك رهف او اشواق او افنان ولو شفت الاسم الحقيقى ..خديجة او ست النفر او ست النساء ...او سكينة وليه الكذب والتجمل سألتنــي .. مصائب.. انت جربت الحـب ..؟؟ قلـت ليها .. جرربته وعشت احلى ايامي فيـه كان حـب عفررري .. (( قصده حب عذري بس انه من طرف واحد
بس انتهى الحب .. لانو اللي حبيتها خانتني(لقيتها فى الليلة ديك والناس تشارك فرحتى) ... قالت لي .. حبيت مبن يا لئيم؟ ..؟؟ قلت ليها .. حبيـت عنـزة جيرااننا .. بس انها خاانتني مـع تيــس سووووري عشااان شعره كتير ...!! المهم .. ان البنت قاالتلي .. اووكي بتصل بكرة لانو امها بتناديها.
وتطورت العلاااقه .. وبقينا نكلم بعــض كـل يووووم .. وانا حالى كيف اتبدل!! .. والاهل لاحظوا التغيير الحاصل.. يعني بنكون قاعدين فى الاكل بنسى صباعى فى خشمى وبقيت اقرأ رسائل الحب ,وكتب الشعر والطبخ ,ما تستغربوا اتعلم .. ياعسـل , ياحليـب , ياقشطـه , ياكريم كراامل ..!! ))
وبررضه صررت ادخـل كتــب ممنوووعه للبيـت .. مثل كتاااب .. ماذا تفعـل في ليلـة الدخلــه .. وكتاااب .. سنـه اولى زواااج ... اللى جالسين على النيل وبرموا الحصى ..!! ))
فى يوم مشئوم قالت لى اوصف لى نفسك!!الله سؤال ماكان على البال واقول ليها شنو اقول ليها حسع ,انى اشبه قرد؟ والا اقول لها انا حيطة ما عندى ملامح تب؟وقلت خلينا ذى الشباب واتحايل عليها بملامح كاذبة .. وانصـب عليهااا يعني تلقـى الوااحد من الشبااب اذا شفته في الشاارع ماتعرف اذا كان جاى والا ماشى من قلة المعالم ,واحد ما بتعرف قفاه من وجه يعني مفرووض يكتب لووحه على وجهـه ويكتـب هذا وجهى .. عشان الناس ما تلخبط...!! المهـــم .. قلـت ليهــا .. انا عيووني مثل عيوون جواد .. وطولي مثل تجكوال الجنوبى .. وخشمـي مثـل خشـم نجلاء فتحى .... ومهضووم كثير مثـل رامي عيااش .وشعرى ذى شعر وائل كافورى..))
المهم حاولت اعقدها بالاوصاف الغير موجودة عشان خالص ....
المهم وعدتنى فى الحديقة بحكم الوصف السحرى,وقعدنا نتصل مع بعض ولمن سالتنى انت وين؟قلت ليها انا واقف جنب برميل الوساخة!!!!لقيتها ويا ريت لو ما لقيتها,
المهـم انـي ماقـدرت اتحمـل وجـههـا وقلـت ليها .. انتـي جــدك الاكبــر كان غوووريلا ..؟؟ قاالت لي .. لا كمان تستهبل وانت وجهك زى محل الشكلة .. انا صراحة ما كنت مصدقة انو الديناصورات انقرضت .. بس مما شفتك عرفت انها اشاعة ...!!! قلـت ليها .. شووفي ياآنســه جرااااده .. انااا كنت عايز اجاااملك واقوووليكى كلااام حلــو .. بــس وجهك يقووول ماااااااااعندك امل تب ..!! قاالت لي .. والله حتـى انا كنت عايزة قول فيك شعر حلووو .. بس وجهــك ما يساااعد .. وجهـك كانو دعاية للمخدرات
المهم كل واحد فينا رجع لبيته متحطم ,وحرمت على نفسى حاجة اسمها الحب من ذلك اليوم المشئوم
والله لو ما تعبتوا انا تعبت



____________

[نسمة]

والله من كلامك دة باين عليك لا بسيط لاشى
بعدين عندك سفة وبتكتب بى لهجة ما سودانية كيفن دى

[ميمى]

اللهجة السودانية واضحة

مافيها اى مناقشة لغتنا مميزة

[brantood]

لكم الشكر ميمى ونسمة وصدقتى لان اللهجة الخليجية تطغى بعض الشئ على لهجتى لاننى عشت هنا اكثر من نصف عمرى(28 عامل).......على كل لكم الامانى والشكر مرة اخرى


http://www.9q9q.org/index.php?image=q9FcfbqQNson (http://www.9q9q.org/index.php?image=psovVSfba)

دقق على الصورة قليلا

[نسمة]

لالا والله ما بعيب عليك يا زميل مجرد تعليق لانى ربطتة بين السفة واللهجة لقيتهم ما لاتقات استغربتة قلتة الزول دة متربى خليك وبرضو السفة ورانا ورانا ولا شنو .

[brantood]

لك الشكر عزيزتى نسمة على اهتمامك ودمتى يا غالية

[ود المصطفى]

الاخ الكريم التحية لك

فى البدء اهنئكم على هذا الابداع عندما بداءت قراءة القصة قطعا لم اتوقع باننى سوف اكمل قرائتها ولكن كان اسلوبك جاذبا ولم اجد الفكاك الا بعد ان اتممت المتعة التى منحتها لى من خلال هذه المساحة الطيبة وهذه المشاركة التى تنم عن مستقبل باهر فى محال القصة القصيرة فلاتبخل علينا بالمزيد من هذا الابداع فهذه الواحة تحتاج الى مثل هذا العطر بين الفينة والاخرى وقطعا مثلكم من يرشون علينا هذه الشذى ودمت اخى بكل الود

[corn flakes]

ياخ لمن وقعت من الضحك........
استمر في الابداع.....
بس ما تكون قصة واقعية...........
:CA2IBGQ9: :CA2IBGQ9: :CA2IBGQ9:

[brantood]

لكم المحبة اعزائى ود المصطفى وcorn flakes على مروركم بين احرفى و اتمنى لكم التوفيق وسوق نغيب عنكم بعض الوقت وذلك للسفر لارض الوطن ,مع حبى لارض الوطن ولريحة البرسيم والجروف وللدعاش