قصتي مع السعوديات !!!!

[هيثم]

قرر اصدقائي ذات يوم من الايام القيام برحلة من الدوحة الي السعودية ومن ثم اداء العمرة ثم العودة ،،،
وبحكم طبيعة عملي اخبرتهم اني سالحق بهم بعد يومين،،،
ويالفعل قررت ان اذهب بالسيارة خاصة وان رياح الشتاء اللطيفة بدأت في الهبوب ،،،،،
بدأت رحلتي في تمام الساعة الخامسة مساءً،،،،
ودخلت السعودية في تمام الساعة التاسعة وفجاءة اكتشفت اني ضللت الطريق خاصة وانها المرة الاولي التي اسافر فيها عن طريق السيارة ،،،،
لا اري شيئاً سوي صحراء وكان المطر يتساقط فقررت المبيت في السيارة علي ان اواصل المشوار الصبح ،،،
وفجاءة رايت سيارة من علي البعد تقف وعلي الفور اتجهت نحوها عسي ولعل يرشدونني الي الطريق الصحيح ،،،
وكانت المفاجأة 4 نساء سعوديات يظهر عليهن من البدو داخل السيارة ،،،
تبادلنا السلام والتحية واخبروني ان سيارتهن قد وحلت في الطين ولا يستطعن استخراجها وعلي الفور وبشهامة اهل السودان المعروفة ركبت السيارة ذات الدفع الرباعي وبنجاح استخرجتها من الوحل ،،،،
واخبروني ان المرأة التي كانت تقود السيارة حامل وهي مرهقة ولاتستطيع القيادة وطلبوا مني قيادة السيارة ،،،،
وبالفعل قدت السيارة ووصلنا الي قبيلتهم في الساعة الحادية عشرة ووجدنا القبيلة علي بكرة ابيها بالخارج في انتظار اولئك النساء وبدأ القلق واضح عليهم ،،،،
وجاء شيخ القبيلة وقال لي بالحرف الواحد ( حياك حياك باكر الصبح نتفاهم معك ) وجاء اربعة رجال منهم يحملون حبلاًغليظاً وبدون مقدمات قيدوني وشدوا وثاقي ،،،
ماذا فعلت اهذا آخر جزائي ؟؟؟ اجيبوني !!!
انا ما فعلت شئ !!! ولكن لا حياة لمن تنادي ،،،،
والغريب في الامر ان النساء اختفين وتركوني لمصيري المجهول !!!
كانت ليلة قاسية وانا ارتعد من شدة البرد والجوع ينهش في جسدي الضئيل ،،،
ولم اذق طعم النوم وبدأت اتسأل ماذا هم فاعلون بي ؟؟؟
هل استسلم لهم بكل هذه السهولة ؟؟؟ ماذا عساي ان افعل والكثرة غلبت الشجاعة ،،،
وقررت الانتظار الي الصبح واواجه مصيري بنفس راضية ،،،
وبالفعل وفي الصبح اجتمع كل اهل القرية حولي ،،، كأنني مجرم حقير ،،
وجاء شيخهم ويحمل في يديه سيفاً حاداً وطلبت منه ان اصلي ،،،
وسمحوا لي بالصلاة وانا ارتعد من البرد القارس ،،،
اتدرون ماذا حدث بعد ذلك ؟؟
وكانت المفاجأة،،
-


الغير متوفعة ،،
-


اغرب شئ
-

يا للهول !!





اني كنت احلم !!!

[Rona-4]

ههههههههههههههه
والله افتكرت بجد واستغربت جدا في بداية القصة وكملتها للأخر علي اساس اني حسيت انها مش طبيعية
بس علي العموم حلوةةةةةةةةةةةةةةةة

[هيثم]

يديك العافية رونا ، الظاهر اني اليوم داك كترت في العشاء ، وطبعاً الكوابيس جات
شكراً علي المروووووور

[Sudani-Hacker]

خـــــــيـــــــــالـــــــــــك واســـــــــــــــع يــــــــــــا هـــــــــيــــــــثــــــــــــــم
تاني قبل ما تنوم ، اخد ليك دوش دافئ

[هيثم]

الدش بعد العشاء واللا قيل العشاء ،،،،،،،،،،،، مشكوووووووور علي المرووووووووور

[ميمى]

أخى المبدع هيثم فى البداية اندهشت من عنوان القصة

تسلم الأنامل على هذه القصة الرائعة

[هيثم]

تسلمي يا غالية ومشكووووووورة علي المروووووووووووووور والي جديد انشاء الله ،،،،،،،،

[حـبـيـبـو]

عندك خيال جميل ياريتك كملت القصه وواصلت في السرحان

[zad-alshjoon]

مشكووووور اخي الراااائع هيثم على هذه القصة الجميلة

[هيثم]

يديك العافية ذاد الشجون ومشكوووووووور علي المروووووووووور ،،،،،،،،

[HaMsa]

يا ريت لو كان فى باقى.... الفكره اكثر من رائعه

[هيثم]

انتي الاروع يا هناء والي جديد انشاء الله

[samoha]

nice work bs ya reet law dkhalta feho gen aw ashba7.bs 3moman 3mal 7elo

[™¶_•_¶ ود اركــويت ¶_•_¶™]

ههههههههههههههههههههههههههههههههههههههههههههههه

لكن انتا عارف انو العرب ديل ممكن يسوها


ديل ما ناس والله اسالني انا

عذبو اخوك عذاااااااب شديد

لكن والله يا مان لفتا حلوة منك سعبه سعبه :CA2IBGQ9:

تحياااااااااااااااااااااتي

™¶_•_¶ ود اركــويت ¶_•_¶™

[هيثم]

يديك العافية ود اركويت و بالطبع هذا هو حالهم الذي لم ولن يتغير ،، مشكووووووووور يا حبيبنا علي المروووووووور والمشاركة القيمة .

[هيثم]

تسلمي يا سموحة علي هذه الملاحظة الجيدة والمشاركة القيمة والي جديد انشاء الله

[ود المصطفى]

اخى هيثم

التحية لك من بعد الفراق التكنولجى غير المشهود ونحمد الله ان نلتقى المشاهير مجددا فى ابن السودان ولا تحرمنا من ذلك الابداع الذى عهدناهو ودمت

[ccnaman]

رجاء خاص جدا تاني نوم خفيف
او بعد ما تتعشاء اتمشى
واحده من الاتنين

[هيثم]

لك التحية ايها الرائع دوما ً ود المصطفي ، ومشكور اخونا سنامان علي المشاركة والنصيحه الغالية .

[rzga]

وصلتهن بس ؟؟؟؟

[زهجان أفندي]

شديدة يافردة ويديك العافية وتبدع
ويسلموا الانامل ( الاصابع ) .

[هيثم]

ههههههههههههههااااااااي قصدك شنو يا رزقه ؟؟؟

[هيثم]

تسلم يا زهجان ويديك العافية

[شهد الملائكة]

اتخيلتك حا تقول بعد ماصليت سالوك الحريم ديل لميت فيهن وين وانت تحكي وبعد يشكورك يعرسوا ليك بت سيد القبيله وتكون جميله شديد وكان شباب القبيله يحسدوك عليها وتنسي انت نفسك وتنسي اصحابك و..........

[هيثم]

والله يا شهودة دي فكرة حلوة لكن الجماعه ديل ما بيشكروا زول ابداً ، انا عارفهم كويس ، وتسلمي علي المرور

[الكروشابى]

رفعت ضغطنا بموضوع ما ليه معنى .

[اسيرة الشجون]

ههههههههه دى حلم شنو دى ,,,,,, انت شفت شنو قبل ما تنوم في التلفزيون خلاك تحلم كده ههههههههه

[هيثم]

شفت فيلم هندي هههههههههههههههههههههاي
تسلمي يا دلوعه علي مرورك الكريم .

[وردة]

هههههههههههههه انا من الاول عرفت انها كزبة

[هيثم]

تسلمي يا وردة ، هي ما كذبة هي حلمة ، وعلي العموم شكراً علي مرورك الكريم

[نجمة البحرين]

يا أخي هيثم الله يهديك أنا من الخليج وبالتحديد من البحرين أقرأ القصة وأنا خايفة أقول الله يستر أخاف بنات السعودية سببوا لنا إحراج معاك بس الحمد الله لكن على العموم أهنيك على الخيال الواسع

[هيثم]

يا هلا وغلا فيك اختنا نجمة البحرين ، والحمد لله كان حلم

[قدورة]

السعوديين ديل خشو للسودانيين حتى في نومهم

[ليتيسيـــا]

ههههههههههههه


حلوة بس عندي سوالي

الموضوع منقول ولا دا حلم انت حلمتو؟؟؟

[وفية]

هههههههههههههههههههههههه




حلم جميل:D


بس الله يستر منوا:biggrin2:

[هيثم]

شكراً لكم جميعاً علي المرور ، طبعاً لولا القصة غير منقولة وهي مجرد خيال ليس إلا .

[بنت كردفان]

والله انا اتخيلتها حقيقيه في البداية لكن لما ربطوك وعاملوك كمجرم حسيت انه الموضوع فيه إنّه
على العموم القصه حلوه وحاول تنوم خفيف

[somy]

لاحولااااااااااااااااااااااااااااااااااااااااا

ياخ دي اكتر قصة اثرت فيني
:55_55: :blink:

[HaMs Al7aNeEn]

هههههههههههههههههههه ياهيثم
انا من البداية كنت شاكة
بالاضافة لانو دا قسم (القصة والخياااااااااااااااال):CA2IBGQ9:
لكن خيالك واااسع
بتعرف مسلسل (طاش ما طاش)السعودي؟؟؟؟
والله ذكرتني بيهو
ههههههههههههههههههههههه
مشكور ضحكتنا
دمت سالم اخي:clap:

[هيثم]

شكراً بنت كردفان & سومي & همس الحنين علي مروركم الكريم ومشاركاتكم القيمة والي اللقاء في القصة القادمة :tooth: :tooth: :tooth: :tooth:

[cutie]

lo0o0o0o0o0o0o0ol
thx 3ala al ge99a al raheeba
keep it up

[muhdsngk]

ماتكتر فى العشاء تانى حرم المرة الجاية يقطعولك راسك وتسلم على القصة

[profzoal]

الله يقطع شيطانك ... قربت ابول فى نفسي..

خيال رائع جدا جدا جدا جدا
يديك العافية.............

[aboelshosh]

قصه عجيبه مستنين منك المزيد بس المره الجايه امشي الكنقو وله حاجه نشوف الادغال

[هيثم]

شكرا ً اعزائي علي مروركم الكريم ومشاركاتكم القيمة

[عمار شفوي]

قصة جميلة ... بس ماتسافر براك

[هيثم]

مشكور عمار علي مرورك الكريم وتاني توبة من السفر

[هيثم]

في فكرة سفرة تانية في الطريق

[tycon_71117]

يديك العافية ابو الهياثم ,,,,,,,,,,,,بالجد انا صدقتا القصة,,,,لكن لما جابت ليها حبل وسيف ,,,قلت يا اخوانا هيثم ده جادي,,,والحمد لله طلعت ما جادي,,,,,,,,,,تسلم يا حبيب على التشويق

[هيثم]

يديك العافية يا تايكون ...

القصة قديمة نفضت ليكم منها الغبار ...

وبرضو الحمد لله كان حلم ..

تحياتي ..

[ود الهوبجى]

الأخ هيثم

لك التحية

اولا احييك على السرد الجميل وعلى افقك الواسع والذى صور لك كيف يمكن ان تكون نهاية بعض تصرفاتنا البرئية الساذجة وكيف تختلف المبادىء من بلد لاخر ...


كنت بتحلم

هل تستهين بالحلم يا سيدى ؟؟؟؟
وقد قال رسولنا الكريم الرؤيا الصالحة جزء من النبوةء ؟؟؟؟

والمؤمن يرى بنور البصيرة والحلم شىء من البصيرة
اقول لك اننا يجب ان لا نستخف بالاحلام فهى رسائل لنا قد تكون مشفرة وقد تكون واضحة جلية تحمل لنا اشارات يجب ان لا نهملها ....

وانت حُر يا سيدى امشى وصل البنيات ثانى .....

[داينور طه]

بالجد رائع

[هيثم]

الأخ هيثم

لك التحية

اولا احييك على السرد الجميل وعلى افقك الواسع والذى صور لك كيف يمكن ان تكون نهاية بعض تصرفاتنا البرئية الساذجة وكيف تختلف المبادىء من بلد لاخر ...


كنت بتحلم

هل تستهين بالحلم يا سيدى ؟؟؟؟
وقد قال رسولنا الكريم الرؤيا الصالحة جزء من النبوةء ؟؟؟؟

والمؤمن يرى بنور البصيرة والحلم شىء من البصيرة
اقول لك اننا يجب ان لا نستخف بالاحلام فهى رسائل لنا قد تكون مشفرة وقد تكون واضحة جلية تحمل لنا اشارات يجب ان لا نهملها ....

وانت حُر يا سيدى امشى وصل البنيات ثانى .....

لك كل الشكر عمنا ود الهوبجي علي مرورك الذي لا يزيدني الا فخراً ...

عجبي !!!!!!

من قال لك اخي انني استهين بالاحلام ؟؟؟

وعلي ماذا بنيت حديثك هذا ... هل للقصص دوراً في الاستخفاف بالاحلام ...

هذا اخي الفاضل مجرد سرد لقصة خيالية ليس الا ، ولاعلاقة لها بالاستهانة بالاحلام ...

ولا نريد ان نعطي القصة مجري آخر وتحليلات اخري تتنافي مع الدين والاحاديث النبوية الشريفة ...

تحياتي واحترامي عمنا ود الهوبجي ،،،

[هيثم]

بالجد رائع

الاروع هو مرورك الكريم ...

لك التحية ،،