بيت العزابه.....

[Dr.ColD]

بيت العزابة

العزابة المغتربين....والطلاب ...والعزابة المشوكشين وديل هم الي ماخدين موقف من الزواج لي أي سبب ...يعني عزابه طويلي الأجل ...لكن المغتربين و الطلاب ديل مدة صلاحيتهم ما بتتعدي 5 سنة ..المغترب يا عرس و لا جاب مرتو " رزعها " قعدا جمبو في السعودية ولا الإمارات !!
لكن الطالب ياهو حيكمل و يرجع تاني لي ناس البيت و يخش ليهو في مشروع بتاع تسمين ...

المهم
بيت العزابة ده لي للعزابة ...فقط !
طيب نرجع نشوف أول زول عمل بيت عزابه أو أول عزابه كانو منو و أتلمو كيف ؟
كانو حكاية بتاعت تلاطاشر " ثلاثة عشر " واحد كده و ديل هم أول عزابه كانو سافروا للخليج سنة ما عارف كم كده ...
المهم طبعاً شنو كانو داقسين في البداية و مافي زول بيعرف يطبخ و ما بعرفوا يعملو حاجات البيت من تنظيف وغسيل وكده !!
المهم كان كل زول من ديل ساكن براهو و بياكل في المطعم و بشتنة غريبة ...
و فضلوا على الحال ده سنة ...ولمن رجعوا البلد غنى ليهم ود الأمين "رجعوا البلد " لكن اللحن ما كان اكتمل عارفين السبب شنو طبعاً " بالوا طويل " أب صلعه !
المهم قام كل واحد لم رجع في الإجازة بشيكي لي امو و الي بشيكي لي مرتو و اللي ما كله وساكت !!
المهم دخلوا كورسات تقيله جداً و أتعلموا كثير للعواسة بتاعت الكسرى !!.
اها شنو لمن رجعو طبعاً بالبحر ...قام شنو في الباخرة الطباخ بتاع السفينة مرض و نام في السرير اها شنو الوقت داك السفينة كلها عزابه مافي ولا طرحة بالغلط ...
قام القبطان قال يا إخوانا دارين لينا زول بعرف يطبخ وكده !!
اها شنو قاموا التلطاشر زول ديلك جو للقبطان و كل زول قال ليهو انا بعرف اعمل كده و انا بعرف اعمل كده !!
فا طبخوا للناس اليوم داك حتى الكستر بتاع التحلية عملوا...
ولمن وصلوا .
قامو اتفقوا يسكنوا مع بعض ...
وفعلاً سكنوا مع بعض و من هنا جات فكرت الميز...و الحلة " بتاعت القطر صفر و حلة القطر قام " وكلها إن شاء الله حنقوم بتقديم الحاصل فيها شنو ..
اها في بيت العزابة ده حنقم الدروس كلها للعزابة الجداد ..
الطبيخ السريع...والتنظيف من غير تعب ...الغسيل ..الميز كيف..
و آداب البريستيج لمن تمشي لبيت عوائل و انت معزوم غداء ولا عشاء " وبتفرق طبعاً .
وحاجات تانية حمياني..




وما تنسو عزابة عن عزابة بفرقوا كثير.....
يعني في عزابة أولاد ناس و في عزابه ...لك الحمد يا الله..


ولا شنو
















بالمناسبة ...ما عزابي وكده :)

[ليتيسيـــا]

loooooooooooooooooool

awal shi almaw6oo3 mod7ek fe 7ado zato

y3ni enta yd Dr. daireen na5ota lek wasfat 2akeel wala kef?


jad ma fehmtak walai

3ala al3omoom ne7na fe al5edma:D

Ur Sis lola

[Dr.ColD]

thanx lil sista .. coz ur da 1st and da only one comein to Em..
wa allhy ya betnaa .. wa9faaat ye3ney 7ajaa zey kedah ..
;)


yareet loo fey 6aregaa tadena alwa9faa bta3aat .. saltat aldakoaaah wa kedah :P


thanx by the way lady

:D


ولا شنو

[ليتيسيـــا]

loooooooooooooooooooooooooool

ya zol wala ya7emaaak

bas aden waket showya 3shn al2yam de 3ala safar w keda .. 3shn keda i need time

lakin wala ya7emaak agrab forsa ba5ota lek wasfat

o5tak lola

[Dr.ColD]

oooh thanx alot sis .. u make me feel so good :clap:
and im waitin u
so lady i guess its done ..or what :D








بما أنو ضميري الحي يملئ علي إني أشوف أسهل حاجة و أسرع و جبة في التحضير و كده عشان نبداء بيها مع الناس الحلوين ديل و المقصود بيهم العزابة..
طبعاً في الغالب لمن تجي من الجامعة بتجي منهك و فتران و عين اهلك طالعة و كاره نفسك و كاره أي حاجة " و ده بالناسبة للطالب المجتهد " لكن الطالب إلي ماشي الجامعة عشان يجدع مع رانيا و ساره و مع ناس الهام و سحر ده أصلا حيكون أكل يا في بيرجر كنج و لا كنتاكي ولا النافورة .........!!
والعزابي الشغال لو ما كان حريف و الحرفنه دي برضوا في المقرر بتاع الدروس الي حنقدمها ليكم إن شاء الله ..لو ما طلع حريف و كان عامل ليهو حلة بالليل او حله بايته ليها 3 يوم عملها ليهو أختو ولا مرة صاحبوا ..
فأسهل و جبة ممكن تتعمل في حاله زي دي و في وقت أقصر من القصر البصري...












سلطة الدكوه "
و المكونات بسيطة و ما مرهقة .للجيب و المعدة ...
1- " دكوة " والي متعارف عليها إنها ( فول حاجات ) و في الدول الماشة لي قدام يقال عليها " زبده الفول السوداني " و يقال إنها تسمى لدي الفرنجة The Sudanese bean & The bean churned وفي جميع الحالات حتكون غلط !!!
2- طماطم حسب العددية طبعاً ...و كم خيارة كده على كم ليمونه (( سلطة ) )
3- ملح 4- بهارات مشكلة
5- جبنه " ودي حسب الرغبة "


اها شنو بتقوم تمشي تسن ليك " تحد " و تجيب ليك صحن كبير و ما يمنع كان لقيت كوره و المقصود بها " قدح وليست كرة القدم و ده عشان الناس ما تتنشن أو تتلبيش وكده .."
اها بعد كدا تقوم تدور قطيع في الحاجات دي و أهم حاجة شنو بالك يكون طويل عشان السلطة تكون طاعمة !!


يلا شنو بعد ده ...أو قبل ده كلو لازم تتأكد انك غسلت يديك كويس بالمويه و الصابون عشان ما معروف تكون خامي معاك شنو في يدك !!
اها بعد كده تقوم تلخبط الشغالنة دي بيدك و تقلب فيها بمزاااااااااااااج عشان شنو تتسبك ...
طبعاً في ناس عوافه "يعني بتعافي الأكل أو إن صح التعبير : بتقرف : المهم ديل ممكن شنو يستخدموا ملعقتين كبار ويدو السلطة و الدكوة رشة خفيفة بتاعت زيت عشان تسهل عمليت القليب " قلبا قلبا قالبا ،، شوفتوا نظرية الزيت دي هي الوهمة كلها ..."




وبس .......

[وعد الاصيل]

لكن يا دكتور ما باااااااااااااااااااااالغت عدييييييييييييييييييييل ....
ياخى من الضحك ما قادر اكتب ... اقول ليك حاجة عن عزابة الزمن دا .. وحاتك العزابة بطبخوا طبيخ الجكس كلو ما يطبخ زيو .. والعزابة المغتربين لمن ربنا يرضى عليهم ويعرسوا ويجيبوا حريمهم فى الغربة بكونوا مستلمين المطبخ من الزوجات وبيحيروهم ليك فى حاجة اسمها طبيخ .. تقول لى دكوة ..
احييييييييي انا من الغربة ومن مطبخ الغربة ... وووووووووووب عدييييييييييييييل ... العجب الشاى المقنن بتاع المغرب دا كمان حكايته حكاية .. الحلة تلقاها من تحت زي الضاربها لغم .. وسوداااااااااء التقول كان فيها حريق .. وكدى يا يمة كمان لو كان اللبن فيها بتاع المراعي والبوتجاز وسخااااااااااااااان ... دا بكون اجمل شاى ... واقدم زوجة ما تعمل شاى مقنن زي بتاع العزابة دا ...


جاييييييييك راجع تانى عن حكاوى العزاية يا دكتور ...

متعتنا بموضوعك وخليتني عشت الجو بمزاااااااااااااااج .....:CA2IBGQ9:

[corn flakes]

ياخ يا دكتور حرام عليك والله.....
انا قلت خلاص الليلة حنزبط ديييك يا الحلة.....
:55_55: :55_55:
بعد ماجريت وجهزنا الورقة والقلم........:
دكوة....دكوة....
ياخي ماسامع جدك وعد قال ليك شنو....
لبن مقنن..وحلل مضروبة لغم....
واااااااااي......
مغستني شدييييييد.....
:faq: :faq: :faq:

[ليتيسيـــا]

k3 k3 k3333

Dr.cold bal'3aaa 3adeeeeeeel keda.. walai ma gasrta m3naa

sorry beljad gasrta m3ak .. lakin al2ym de walai jari shaded ma3 alsafar

plz .. keep it up

[Dr.ColD]

تمشي و تجينيا بالسلامة يا لولا
كورن فلكس و الله يا حنين تقول شنو بس الانبوبة خلصانه يا مان

لكن شنو اخوك بتصرف انا بجيب لكم كانون بكرة وكده و نشوف حل للمسأله دي :)

انت بس جهز القلم و تعال بدري بكرة :) حلتنا كاربة عديل كده.....

وعد الأصل يا أخوي انت شكلك عزابي قديم خالص من اللبن المقنن ده
معقوله بس :)

يا مان ابشروا بالخير اللحمة جايه في السكة :)

[Dr.ColD]

سلام يا حلوين
متأسفين على التأخير وكده ..
معليش الشنقة حصلت والله وكده
المواصلات و الشوارع زحمة و الكمساري اتشاكل ليهو مع بت و دو السواق القسم و الناس الراكبة الحافلة عمل ليهو كشف عشان تجيب ليهو محامي
لكن المحامي أكل القروش .....هو بس المحامي الي القروش ؟؟
عم طارق أكل قروش ابوهو حقت البيت ...وخال سامي عمو رهن بيت ابوه و طبعاً المجني عليه مرسل توكيل " المفتح " ..
كدي ده ما موضوعنا
المهم طبعاً جيت لقيت الأنبوبة خلصانة و خلصانة دي طبعاً مافي ليها أي مكان في اللغة العربية الفصحى وهي المقصود بيها خلصت و انتهت أي نفذت ....
المهم فا المشروع بتاع الحله طرشق الليلة غايتو معنها إلا أخُت كراع الخروف دي في الثلاجة لي بكرة " كراع خروف " 
المهم فا حنقوم نتصرف تصرف بتاع أولاد شفوت عزابة حرفه كده شنو ما بتعطلوا بغاز و نار و غيروا
ولا شنو .....
انا غايتو مشيت الدكان و جيت ....جيبت ...
عيش .... وده طبعاً اساس أي وجبة
زبادي ------- الدقسة حصلت بالجد ولا شنو !!
طماطم ...........خيار .............
و و و
و اعفوا لينا وكده لحدي ما نتصرف نشوف لينا انبوبة من الجيران ولا حاجة
ولا شنو ....كوراع الخروف ليسه في الثلاجة فا شنو ما تشيلوا هم ابداً حا أعملوا ليكم حا أعملو .....اصلوا ما تشيلوا هم يا حلوين 

[musaab]

.................

[™¶_•_¶ ود اركــويت ¶_•_¶™]

موضوع جميل جدا يا غالي

يديك العافية يا رب



تحيااااااااااااااتي


™¶_•_¶ ود اركــويت ¶_•_¶™

[zoal_keda]

يا دكترة


مية مية






عزابة وكدا ......



آآآآآآآآآي

بنجي عليك بي برنامجنا .... قريب