الى كل عشاق مصطفى سيد احمد

[zaher salah]

اهدا الى كل من يقدر الفن الراقي فن المقبول سيد احمد المقبول
الجالوص
********
للشاعر عاطف خيري
****************

معتوقة ومعتقة ومنعتقة
نوافير إنتشاء وحشمة
وحَـمار العين ..
تضحك كلما وقعت مصيبة
تمشى على العجين وتلخبطو
وترطن إذا جاها الحنين
************
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
***************
صوتك وكت قطع البحر
قبال مراكب العمدة
ضهر النيل عرق ..
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
**********
مبنية مدن الخوف
من طينة آخر الليل
وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو ..
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت ؟
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الحريف
داسينى فيكى نضر
والأنبياء فاتوا
والأنبياء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ما ذنب جلد الطار
لو غنو بيهو شتر
ما تخافى الله معاك
وكل الملائكة سمر



ولكم تحياتي عاشق ابداع من زمن تباريح صاح الغلط
(ود صلاح)

[ياسـر]

تسلم يا رهيب على القصيدة الجميلة الراقية دي..


والله يرحمو.....


وبالجد قصيدة رائعة

[™¶_•_¶ ود اركــويت ¶_•_¶™]

تسلم يا عسل


ومجهود رائع


تحياااااااااااااتي



™¶_•_¶ ود اركــويت ¶_•_¶™

[HaMsa]

زاهر يا راقى تسلـــــــــــــــــم

[zaher salah]

تسلمو يا شباب على المرور وكلكم ذوق والله
الله يرحمه ويسكنه فسيح جناته

[ميمى]

تسلم أخى زاهر

[fbi]

http://up.3ash8.com/upimg3/GIk06028.gif

[my cafe time]

الرئع مصطفي سيد أحمد هو من الشخصيات السودانية الرئعة والتي لن يطالها غبار الزمان وسيظل أسمه لامعاً في سماء الفن السوداني ......... وبالجد موضوع رائع........ تسلم

[سوداني جدا]

تسلم اخي زاهر لاختيارك الراقي والبعكس زوقك الارقى