حكايات مع الجن (1)

[Se7aB]

فى زمن ما هو بعيد باللحيل كنا نسكن فى احدى قرى المتمه غرب شندى ، وكنت وقتها
زول حفلات وهيصه ابارى الحفلات من حلة لى حلة ...وكنت فى تلك الليله مواعد الشلة
نروح لى حفلة فى الحلة القدامنا لى ناحية امدرمان .
الجماعة فاتونى لانى اتوكحتا بى حسابات الدكان وابوى راسوو والف سيف يعرف الفرق
دا جا من وين ....
المهم ما نى عارف اقتنع ولا تعب ..فكانى بعد ما روح من الليل شى ما ساهل...
قنعت من الحفلة وناسا ..وجريت العنقريب لصق الحيطه لزوم ضل الصباح ونطول النومه.
قعدة اتقلب فى السرير زى المدمن ..غلبنى الصبر ...
اتوكلت على الحى الدايم ومرقت جلابيتى السلك وختيتا فى كيس خوفا من الكرفسه
واسحبت بالعراقى بشويش ..على بيت الحمارة.
شديت السرج وقعدة اعافر فى الكراب والضناب ..فى الضلام لامن شديتهم
وبالكسيرة الفى الحيطة مرقت الحمارة لى بره.
كانت الدنيا خريف والوادى البينا والحلة التانية برك وطين ودرب حمير صغيروون يتلولو
زى زغرودة سعدية بت احمد شاقى الوادى ،
وكانت شديرات السنط والعشر..مبعترات من غير نظام عاملات الوادى زى حوض جرجير
رعتوو غنماية عوراء.
وكان القمر عرجون يسابق فى سحيبات متفرقات يظهر ويختفى سوى الوادى زى
خشبة مسرح يلعب بالاضاءة فيها طفل عابث.
كانت صوت مشى الحمارة مكتوم بفعل الطين خلانى اسمع بوضوح صوت الصراصير والجنادب
وضفدعه تحمل ابو عيالا فوق ضهرا ..والصغار وراها ينقوو باكين ...
نزلى ابونا وشيلينا..نزلى ابونا وشيلينا..
وهى تقول ..شايله ابوكم فوق راى فوق راى... شايلاهو ..فوق راى فوق راى ...
كنت احاول اشغل روحى بى شى حتى اعدى الوادى الفقر ده ....
كانت المسافة تفووت الخمسة كيلومترات بى شويه ...وكنت تقريبا فى نص المسافة ...
لما حرنت الحمارة ووقفت دوت.
انتبهت لى اضنين الحمارة عاملات زى منشات قزاز عربية شمال يمين ..
حرة الحركة كل واحده فى اتجاه.
وشعرت بالرعشه ...ماشه من كرعى طالعه لى فووق ..
وحسيت بى شعر جسمى شوك واقف
واتشليت انا والحمارة ما فينا شى حى الا اضنين الحمارة ..
وطرمبه تلاته بوصه شغاله جوه صدرى ..
وفجأة قامت الحمارة صوووف ..تقول مركبه مكنة حصان....
مفارقه درب الحمير ضاربه بطن الوادى
وانا فى حالة الشلل ديك لا نى قادر اوجه ولا اقيف...
فجأة حسيت ..فى شى جارى معانا فى شمال الحمارة....
ما شفتو اول مره ..المهم حسيت نحنا ما برانا ...
بى قعر عينى ..بدون ما اتلفت حاولت افتح مجال الرؤية شمال....
كان هناك ......
يجرى معنا بدون ارجل ..كيان لا ملامح له ..
اقرب وصف ليهوو ميت قايم بى كفنوو
مافى ملامح واضحه مجرد بياض على شكل خيال انسان ..
يسابق الريح جوار الحمارة الغلبانه القايمه صووف...
تانى جانى الاحساس انو الشى دا ما براهوو ....
هناك على يمينى كان فى واحد تانى ..
نفس الملامح والميت البى كفنووو ...والجرى يمين الحمارة بلا كرعين..
كنت ساعتها فتا الخوووف بى غادى..وطارت منى راسى كل ايات القران..
وكان اتزكرتا العوجه فى اللسان المشلول الفاقد النطق.
عندما نط كيان السجم الفى يمينى وركب لى فى رقبة الحمارة....
وشعرت بى ملمسه .......عندما لامس وجهى.
كان لزجا زى طين الربوبه.. تنبعث منه ريحة عفنة زى جنازة البحر ...
انزلقت مبتعدا ..عن السرج ..ناحية ضناب الحمارة .....محازرا ان لا اقع.....
كان الشى الوحيد الذى استدركته فى تلك اللحظة انى ما افوت الحمارة شبر ...
ياها الوسيلة الوحيده البتمرقنى من هنا
ولم يصدق صاحبنا الفى الشمال عندما وجد السرج خاليا ...
فتربع عليه ..وتمدد واستطال حتى بلغ الارض . ..
وشعرت مرة اخرى باللزوجه الكريهة والريحة العفنه.....
لفيت يدى فى اخر ضنب الحمارة ..وانزلقت بالجنبه ..
وانا خايف من كرعين الحمارة ..كفته واحده ..تكسر ضلعى
كنت ماسك ..ضنب الحمارة كلابة بس ..وانا حاسس كان فكيت انا ضايع.....
محاولا ان اجارى الحمارة البقت حصان فى السرعه.
كانت الاشواك سجادة مفروشه فى الوادى والشبشب ابى ان يقاوم معى وناام فى الطين..
لكن الالم وقتها كان نعمه ..
تتمنى لو تحس بها بدلا من الخوف الاسود الساكن كل مسامات جسمى.
كنا منطلقين بلا هدى ....
تسوقنا جميعا غريزة الحمارة..وكانت تلك الاكفان المتحركة تتبادل الاماكن
على ظهر الحمارة ..سرجا وضنابا ورقبة ..
وانا احازر ان لا افلت .ولا تصيبنى ارجل الحمارة..ولا يعاودنى ذلك الاحساس اللذج....
كانت المسافة مقارنة بسرعة الحمارة لا تتعدى العشر دقائق..
ولكن خوفا ..شعرت انى جريت الليل كله.
اصبح صوت الحفلة ياتينى متقطعا حسب اتجاه الريح....مما قوى عزيمتى فى الخلاص
وانساقت الحمارة نحو الصوت .........
وقدام باب بيت الحفلة وقفت ..وانا وقعت خشبة ناشفه...
ما وعيت الا تانى يوم وانا فى مستشفى شندى... وضربتنى حمى سبعه يوم ...
اوعا اسرح ...............وانوم اهدرب....
...............................................
والى لقاء مرة اخرى ..فى حكايات مع الجن (2) ان كان فى جن ]
:66_66:

[sami ahmed salim]

المبدع سحاب
خلينى اخد نفسى
وبجيك راجع للرد

[وردة]

بالله ياسحاب ماخوفتني عدييييييييل كدا بتبالغ والله

معقول في جن بقوة العين دي

بسم الله الرحمن الرحيم

احسن شي انو الخوف ما موتك خخخخخخخخخخخخخ والمشكلة انك ماتهنيت بالحفلة اللي انتا ماشي ليها ههههههههههه

تسلم لينا يا مبدع وفي الانتظار على احر من الجمر (( حكايات مع الجن 2))

[كرم عيسي]

يا سحاااااب صباح الخير اها يا ود المتمه الحفله كانت

في قوز بدر ولا الشبطاب

تحياتي

[HaMsa]

والله يا سحاب مبدع كلمه صغيره عليك

لكن بس ما بالغت انا زاااااااااتى خفتا

ومنتظرين القصه التانيه ما تتاخر علينا

[hibo_19]

انت عارف مع الاحساس بالخوف وصفك للمنظر انت والحماره في اللحظه دي بصراحه المفروض اخاف بس ماكان الا اني ضحكتا لما الدموع ماخلتني اشوف كلمه
بالجد سردك للاحداث جميييييييل وانا عن نفسي متشوقه للجزء التاني منها

[Se7aB]

اختى الحلوه ورده

تتشرف حروفنا بالحضور الذيذ والعطر الفواح واجمل ورود الدنيا
تسلمى انتى يمه من كل شر ومن الخوف واى امر

ونواصل بأذن الله

:66_66:

[Se7aB]

اخى الغالى كرم عيسى
والصورة الحلوه والبراءة فى اسمى معانيها ربنا يخليها ويخليك ليها

ود الحبشى كييييييف

[Se7aB]

هنـــــــــــــــــــــــــــــاء
مشرفتنا الحلوه
مرورك شرف واعجابك نحو حروفنا البائسه تواضع منك
طلتك الحلوه تذيدنا عشقا للحرف الذى اوصلنا اليكم
ونواصل ان شاء الرحمن بفضل تشجيعكم

:66_66:

[Se7aB]

العزيزه الغاليه هبوووو
تحية ود ويد ممدوده كل المد
وسلام

عزيزتى حاولت جاهدا ان اصيغ الرعب فى اطار من الكوميديا
حتى لا انكد على الناس ان كان ما اقول رعبا

وجل همنا ان نزرع بسمه
واجمل لحظاتى عندما احس بأننى قد زرعت الفرح داخل اى انسان وبأى وسيله
تسلمى وادام الله ايامك فرحا
وربنا يقدرنا ونكون عند حسن الظن

:66_66:

[alwazer]

[ســــــحـــاب ]
[/يارائــــــــــع يديك ألف عافية وتسلم
القصة جميلة وأنيقه وذاهية ووافية ..........
سردك جميل جداً وإنت بتسرد شد الحمار ووقعت السرج وضياع الشبشب
والأحلي من كده مسكتك في الضنب وركوب الجن علي السرج
واصل ونحن معاك في إنتظار الجزء التاني
كتاباتك بتشبه الرائع أبكر آدم إسماعيل في رواية الطريق للمدن المستحيلة
[/
[SIZE="6"]لك ألف تحية ونور ،،،،

[durgoba_15]

تسلم يا رهيب
لكن ما شايف انو الفاصل الاعلانى ده طول حتتين ولا شفرتو على الart
حكايه مشوقه نتمنى تكمله بس خلى عينكبارده ولا كيف...............................

[Se7aB]

عزيزى الغالى الوزير
يفرحنا اعجاب الناس بسطورنا المتواضعه ويحملنا الفرح فووق السحاب
ليس فرحا بما كتبنا
ولكن لان كتاباتنا اصبحت وسيلة تعارفنا بأناس مثلكم
اننا نجتهد حتى ننال رضاكم
وان كان فى احرفنا البسيطه ما يسركم
فهذا مبلغ المنى فصداقتكم هى المقصد

دمتم فى حفظ الله

[Se7aB]

دوووورقوبا
اخى فى البعيد
الهند- بونا ومدراس ومومباى
وكل تناقضات الدنيا ..
وغربة ذات طعم خاص
قلبى معكم جميعا هناااك
اتمنى لو احوذ بأحرفى الفقيرة رضاااك
ونصبح لكم شى من ريحة هذا الوطن الروعه

تسلم والتشفير فى مقامكم حرام

[profzoal]

يا ظلنا ....
كل لحظة .. كل ثانية .... كل دقيقة .. وانا معك ... وكنت اقبض على ديل الحمار حتى . احسست بالحنين علية
ولكن خوفى ..من ما سوف تؤل اليه الاحداث جعلنى .. اتشبث .. اكثر واكثر على هذا الذيل المسكين ..
لم افارقك .. لحظة ..
عزيزى .... جعلتنى احاول ان لا اسقطك من على الحمار ,,, فسرتوا احاول ان اتمسك بذيل الحمار واترك لك
مساحة تتشبث بها .. حتى نصل سويا .. برغم من اننى قلت فى نفسي ... دعك منه .. فاذا انزلقت من الذيل
سوف ينتهى خوفك هنا ..... يا بروف ,, ولكن .. حبى لنهايتها . كان اقوى من خوفى
************************************
صدقنى هذه قصة حقيقية حصلت ... لا ادرى ان كنت انت ام صديقك ..لانك ... كل كلمة فيها تعنى الصدق..
***********************************
والله يعجز عقلى فى ان يصفك ,,, ولكن اقول لك .... لابد ان تكتشف نفسك يا اخى الغالى ..
ارجو أن تكملها لنا ... مع خالص حبي وتقديرى ...و اعجابي الشديد ..

[Se7aB]

البروف حقنا
يشهد الله ضحكت حتى بكيت
وانا اتخيلك تزاحمنى على ذلك الضنب المسكين
ولكم تمنيتك ان تكون معى
لا ان تعيش ذلك الخوف
ولكن حبا فى ان نلتقى يوما معا
حتى وان كانت مساحة لقيانا لا تتعدى قبضة اليد فى ذلك الذيل
ولكن بما احمله لك من ود فى قلبى تتمد المساحة لتسع الدنيا
فرحا بك
دمتى لى اخا يشرفنى مروره فى اى وقت

:66_66:

[profzoal]

تسلم يا ظلنا ...صدقا .. انت مبدع .. وبدون اى مجاملات
واكيد انت شاعر بابداعك ..ربنا يوقفك.. ويجمعنى بيك .. يا عزيز

[Se7aB]

اخى الحبيب برووووف
يتجلى ابداعى فى اننى قد وجدت سبيلا للدخول الى قلوب بعض مبدعى اسرة
منتدى ابن السودان من امثالك
اعتبرنى (D J ) كلمات انسقها نغم حتى تنال اعجابكم
ليس الا
دمت ودنا زمن لقياك لنا قريبا

:66_66:

[Lufthansa1980]

لا نقبل بك الا ان تكونا عالياً

والعلو لله تعالى ...

[غانم ابوقناية]

الاخ سحاب الخير والابداع
.....................................
والله عشت معاك بكل حواسي وقرقراب شديد
وموقفك دا ذكرني مواقف كتيرة حصلت لي
والله ينعل الضلامة والشهفوفة والتلقيحة والخفجيبة
وزي ما قالوا القالولو ضلمة شتمو لان مافيها خير

[زول!]

مباااااااااااااااااااااااااااااااااااااااااااااااا ااااااااااااااااااااالغة
دة لو وصفك انت شخصيا معناها نجيب محفوظ شال نوبل بالغلط
والله الوصف بتاعك مجنووووووووووووووووووون
ياخي خلي حكايات الحن دي وبي وصفك دة اشتغل رومانسيات
حاااااااااااااااااااااااااااااجة مباااااااااااااالغة

[Se7aB]

اخى الحبيب زووووووووووووووووول
نحنا ووووووووووووووووووووووووين وكتابة القصة وووين
اننا نحبووو ونحااااول ان نجمل العبارات ما امكن حتى ترقى الى مستوى رواد ابن السودان
لا ندعى الكتابه فهى يعلم الله موهبة نحن منها براء
ولكننا نحاول ان نسرد خواطر عسى ان تجد منكم معجبا واااااحدا فنكون به فخورين
ودمتم على الكلماات الطيبه اخوك

:66_66:

[trbazo]

ذكرتني بنفسي لمن كنتة جني !!!!!!1

[سيدة الاقمار]

وااااااااااااااااااااااااااااااااااااااااااااااااا ااي

[trbazo]

وااااااااااااااااااااااااااااااااااااااااااااااااا ااي بالإنجليزي ولا بالعربي :tooth:

[Se7aB]

بكل لغااات الدنيا

وقريبا الجن (2)

[سيدة الاقمار]

لسع يا سحاب واااااااااااااااااايييييييييين

[زول!]

شنو ياسحاب
عامل لينا تشاهد غدا
ماتخش في حكاياتك وتبهجنا



عليك الله قول



عشانا




خليها عيدية

[دمعة أسى]

ههههههههههههههههههههههههههههههه
ده شنو ده

ضحكته لمن بقيت قدام ناس البيت زي المجنونه

اختي الصغيره فاتحه خشمه وتعاين لي

لمن خافت مني وقالت لي ماتعايني لي كدا

بالغته

[أوتار]

يا سحاب الخير

حاجه غير طبيعيه ... اقصد وصفك للحدث
يا اخوي انت كاتب عظيم محتاج من ياخذ بيده ويخرجك للملأ وتاخذ جائزة نوبل
وجائزة اوسكار وجائزة السافنا (ما عارف في جوائز زي دي ولا مافي)

ولكن ابدااااااااااااااااااااااااااااااااااااع وابهاااااااااااااااااااااااااااااااار.

وين الجزء التاني ..... وما وريتنا الجلابيه حصل معاها شنو اتكرفست .. التفاصيل مهمه.

والى الاماااااااااااااااااام ايها الفارس الممشوق تلك الحماره(عفواً) .

[Se7aB]

لسع يا سحاب واااااااااااااااااايييييييييين


,,,,,,,,وااااااسفاى انا الماسمعتا الواااااااااااااايييين
شفتها بس شووووفت العين

[Se7aB]

شنو ياسحاب
عامل لينا تشاهد غدا
ماتخش في حكاياتك وتبهجنا



عليك الله قول



عشانا




خليها عيدية


من عيونى والله
معليش انشغلنا بالعيد
بس ما نسيناكم
خفنا تجيكم ريحة اللحمه تقلق منامكم

[Se7aB]

يا سحاب الخير

حاجه غير طبيعيه ... اقصد وصفك للحدث
يا اخوي انت كاتب عظيم محتاج من ياخذ بيده ويخرجك للملأ وتاخذ جائزة نوبل
وجائزة اوسكار وجائزة السافنا (ما عارف في جوائز زي دي ولا مافي)

ولكن ابدااااااااااااااااااااااااااااااااااااع وابهاااااااااااااااااااااااااااااااار.

وين الجزء التاني ..... وما وريتنا الجلابيه حصل معاها شنو اتكرفست .. التفاصيل مهمه.

والى الاماااااااااااااااااام ايها الفارس الممشوق تلك الحماره(عفواً) .








العسل اوتار
شكرا ع المجامله الرقيقه
نحن تحت امركم
كل التفاصيل لكم
حاااااااااااااااااااااضر

[هنـasd]

شنو طولنا ما شفناك اخي سحاب
مشتاقين والله

[شهد الملائكة]

وووووووووووب علي

والله يا سحاب لو كنت انا في محلك كان اهلي في نفس اللحظه فرشوا علي

[Se7aB]

شنو طولنا ما شفناك اخي سحاب
مشتاقين والله
اخى الحبيب الغالى
هندستنا الروعه

عاين جواك وانتى تشوفنى يا ملك
يسلم المرور

[هنـasd]

ياخي معقولة بس قصصك دي كلها وما شايف كدا ادينا وحدى تانية

[Se7aB]

وووووووووووب علي
والله يا سحاب لو كنت انا في محلك كان اهلي في نفس اللحظه فرشوا علي


الغالية شهد
ياااريتك لو كنتى فى محلى
كنا على الاقل اتلاقينا


مشتاقين يا انتووو

:66_66:

[Se7aB]

لكن بعد دا بنلاقيك
مدام بقيتى مشرفة
ونحنا قسم القصة
بنسويلو قصة عشان نجيك

دمتى مشرفه ودمنا محبين

[sami ahmed salim]

وتظل الحكاية الاولى ..
ام الحكايات
وروعة التصوير التفوق حد الخيال

[sami ahmed salim]

اخونا سحاااب
الى متى الغياب
اشتقنا للحكاوى

[sami ahmed salim]

كلما اعود الى ابن السودان
تسوقنى خطاى اليك
فابحث عن جديدك
وعندما لا اجد
اعاود القديم
وتظل متعة مطالعته كما هى

واليكم ايها القادمون الجدد
ثلاثية سحاااب
حكايات مع الجن

ولا ادرى لماذا توقف عنها

[Se7aB]

اخى الحبيب سامى
رد الله غربتك
اصبحنا مثلك نبحث عن القديم
ونسبة لطول غيابنا
نقرى مشاركاتنا كأننا نراها لاول مره
واوعدك بالجديد

[ليتيسيـــا]

يا سحاب نحنا المرة دي ما اشتقنا لي قصصك و لا مشاركاتك

لكن اشتقنا ليك انتـــــــــا
و اشتقنا لي قلمك
لي احساســك في الكتابة



حمدالله على سلامتك و بتمني انو ما تغيب علينا تانى


و بالجد فقدناك

[Se7aB]

يا سحاب نحنا المرة دي ما اشتقنا لي قصصك و لا مشاركاتك

لكن اشتقنا ليك انتـــــــــا
و اشتقنا لي قلمك
لي احساســك في الكتابة



حمدالله على سلامتك و بتمني انو ما تغيب علينا تانى


و بالجد فقدناك

اولا
كل سنه وانتى طيبه يا احلى لولا
يعلم الله كم انا بشتاق ليكم
ويعلم الله كم بعزكم
والله شاهد انى بجد نفسى وسطكم
تسلمى لى انتى اختى الغاليه
وواحشانى بعد المسافات كلها
وحنين الاماكن
وروعة العبارات اللسه ما كتبتها
واحشانى كل ده
ولسه جواى احساسى بالوحشه
بدونكم بالجد الفرح ناقص

[نون لجين]

والله انته مبدع في سردك للوقائع مع انو انا حكايات الجن دي ببعد منها بعيد
لكن ارجوا انو تكون في روايات تانية وتالته

[ريل]

مبدع مبدع مبدع

ربنا اخليك منتظرين ياسحاب مطرك

[rihas_1996]

كانت الدنيا خريف والوادى البينا والحلة التانية برك وطين ودرب حمير صغيروون يتلولو
زى زغرودة سعدية بت احمد شاقى الوادى ،
وكانت شديرات السنط والعشر..مبعترات من غير نظام عاملات الوادى زى حوض جرجير
رعتوو غنماية عوراء.
وكان القمر عرجون يسابق فى سحيبات متفرقات يظهر ويختفى سوى الوادى زى
خشبة مسرح يلعب بالاضاءة فيها طفل عابث.


كثيراً ما تستوقفني مدلولات الأسماء المستعارة.. تسخر خيالاتي من بعضها.. وتعجب لبعضها.. وتمتعض بعضها..
ولا أدري سبب الكثير منها.. ولكن.. حينما اشتم ريحة الدعاش في كل كتاباتك.. وعندما استظل من هجير الغربة بسلاسة سردك.. ولما تبهرني رحلة التموج بين مفاصل كلماتك.. ايقن حينها انك الوحيد الذي وفق في ذلك الاسم..


فأنت بحق سحابة صيف.. ولكنها لا تجافي ابداً.. فهي تسقي كل من وفق للمرور على ما تكتب..
وفقك الله.. ولا زلنا ننتظر المزيد من ابداعاتك..

وتقبل اخوتي الصادقة... هاشم

[المنتشري]

ابداع يا سحاب

[Se7aB]

كانت الدنيا خريف والوادى البينا والحلة التانية برك وطين ودرب حمير صغيروون يتلولو
زى زغرودة سعدية بت احمد شاقى الوادى ،
وكانت شديرات السنط والعشر..مبعترات من غير نظام عاملات الوادى زى حوض جرجير
رعتوو غنماية عوراء.
وكان القمر عرجون يسابق فى سحيبات متفرقات يظهر ويختفى سوى الوادى زى
خشبة مسرح يلعب بالاضاءة فيها طفل عابث.


كثيراً ما تستوقفني مدلولات الأسماء المستعارة.. تسخر خيالاتي من بعضها.. وتعجب لبعضها.. وتمتعض بعضها..
ولا أدري سبب الكثير منها.. ولكن.. حينما اشتم ريحة الدعاش في كل كتاباتك.. وعندما استظل من هجير الغربة بسلاسة سردك.. ولما تبهرني رحلة التموج بين مفاصل كلماتك.. ايقن حينها انك الوحيد الذي وفق في ذلك الاسم..


فأنت بحق سحابة صيف.. ولكنها لا تجافي ابداً.. فهي تسقي كل من وفق للمرور على ما تكتب..
وفقك الله.. ولا زلنا ننتظر المزيد من ابداعاتك..

وتقبل اخوتي الصادقة... هاشم

اخى العزيز هاشم يشرفنى أن تكون لى اخا
وتصبح دنيتى كون من سعادة بوجود امثالك فيها
ونتمنى ان نظل دوما عند حسن ظنكم بنا
فلا تحرمونا من طلتكم فهى دافعنا ان نعشم فى تقبلكم لنا
فلا تحرمونا من شرف حروفكم حتى تزدان بها حروفنا
ودمتى لى اخا ما دامت فينا الحياة

[Se7aB]

والله انته مبدع في سردك للوقائع مع انو انا حكايات الجن دي ببعد منها بعيد
لكن ارجوا انو تكون في روايات تانية وتالته

العزيزه نون لجين
باعد الله بينك والجن بعد السماء عن الارض
واعزرينا ما بيدنا حيلة خرجت بعض كتاباتنا عامره بالخيال
عامره بالجن
لكن توجد بعض الكتابات البعتبروها الناس هنا جميله
وهى خاليه من الجن وخاليه من الجمال
يشرفنا حضورك فيها
ودمتى بألف خير

[Se7aB]

مبدع مبدع مبدع

ربنا اخليك منتظرين ياسحاب مطرك


ربنا ما يحرمنى منك
اختى الحبيبه ريل
وربنا يبعد عنك المطر التقيل
خلينا فى ر شة دعاش
زى نسمة طلتك
تزرع فينا الفرح والاندهاش
وشكرا على كلماتك الحلوه

[Se7aB]

ابداع يا سحاب

ابداع وجودك بينا يا منتشرى
وشرف لى مرورك علي
وبتمنى لو دايما حروفنا تعجبكم
ده والله الدافع اننا نزعجكم بى كتاباتنا
والف شكر للدفع المعنوى الكبير وعلى الله نكون قدروو
وتسلم اخوى منتشرى

[شهد الملائكة]

روعة حروفك يا سحااااااااااااب ما محتاجة نحن نتكلم عنها

عارف ليه ؟؟؟

عشان ما نخدش جمالة وروعتة

[Se7aB]

روعة حروفك يا سحااااااااااااب ما محتاجة نحن نتكلم عنها

عارف ليه ؟؟؟

عشان ما نخدش جمالة وروعتة

ليها الحق لانها بتستمد روعتا من روعة عيونك البتقراها
ونفسوكم البتقبلا
ومشاعركم البتحسها
ليها كل الفخر انها تقول رائعه
لانكم زينتوها بى حروف مروركم الاجمل

[بروف خرفان]

الابداااااااااااااااااااااع ليس غريب عن المبدعين امثااااالك

سحااب الحروف تسعد جدا وهي بين يديك لانها تعلم انها سوف تخرج كلماااات قمه في الروعه والجماال

ويسعد جدا من يرااهاااا لان جماال اسلوبها وصيااغتها تجبر الانساان علي ان يتأمل فيها وفي من صااغها

ونقووول تسلم كتير يا سحاااااااااااااااااااب وربنا ما يحرمنا منك و من ابداااااااااااااااااااااااااااعك ايها المبدع