ابدعات الشاعر هاشم صديق [الأرشيف]

عرض كامل الموضوع : ابدعات الشاعر هاشم صديق

ابن الكلاكلة

06-19-2006, 02:13 PM

وكتبت ليك لا بيني بينك ريدة لا قصة غرام

إخترت ليك أجمل حروف وأصدق فواصل نادرة في لغة الكلام

لا قصدي ألهو معاك بي كلمات غناي

لا حروفي ليك مرجيحة من شعر الغمام

وكتبت ليك والله يا قمر الزمان

شان جيتي بي زمن المحنة

وشفت في عينيك حس أهلي القدام

وكتبت ليك وأنا جايي من زمن الشقا

المرسوم على وش الثواني مظللها

تتمدد الساعات سنين

تتفتح الأحزان غريبة ومذهلة

وأشتاق أفتش نسمة في الزمن العذاب

وأيامي من كتر الأسى وكتر العزوف والإغتراب

صارت حروف مترهلة لحظات أسيفة ومهملة

وكتبت ليك ووقفت ليك

لامن لقيتك جاية في قلب الطريق

ولمحت فيك راحة المشاوير البعيدة

ولفحة النسمة الحنينة الجاية من جوف المضيق

حسيت عجائب الدنيا اتلمت بقت جاياني من عصراً سحيق

عينيك حس أطفال بنادوا القمرة للغائب يعود

وجبينك الضواي حجا الحبوبة في الزمن السعيد

وأنا في قساوة الموحش الزمن المكهرب بي الحريق

أنا حيلتي إيه غي ؟أتكئ وأحلم معاك

وأحضن أماسي الصحو والأمل

لصلاح حاج سعيد:clap:

ابن الكلاكلة

06-19-2006, 02:16 PM

ابتسمي …الدغش البدري…يلالي ويسطع

العشم المحري …في عرق الشارع…يناغم ويجري

الصوت من ليلنا… يتاوي ويطلع…عيون الفرح

الكتلت مرة…وضاقت المرة…تفتح وتلمح

ابتسمي... البزرة تفتق...البزرة تفتق...وتصبح فكرة

تسامر وترفع …الوجع الطاغي…يفارق غادي

هاجر ويرجع… الامل الغامر…الامل الغامر

يحاور ويدفع… حروف الشعر…في صدر الضلمة

تولع جمرة …وترقص تتركع…ابتسمي

الشمس الغامرة تنادي خيوطها …تطرز وتجمع

الارض السمرا… تمد ايدينا …تقلد الفقرا

تبارك الشفع… المدن النايمة…تكبر قايمة

ويجلجل صوتها… في وش المدفع

لهاشم صديق:sing:

ابن الكلاكلة

06-19-2006, 02:19 PM

سوف اصنعُ لي فتاة من دمائي

كي تقدسني وتبكي عند موتي

دون زيف

سوف اصنع لي فتاة

من دخان سجائري

لتلم عن وجهي غبار الاغتراب

وكي تقيني من مكابدة النزيف

سوف اصنع لي حبيبة

تفهم الوطن الذي اشقى به

واخصها بالشعر والحمى

اسميها نضال

قد قلت يوما : هكذا تلد المدينة

من غزارتها غبارا

كي تسمية دماً

فتلفت الوجهاء حيث اشرت

ثم تناقشوا في اللون .. واللغة البذيئة ..والرغيف

كم تبعد الاشياء عن لغتي ..وانت تغادرين دمي

الي اقصى تفاصيل النقيض ..تتسللين الي نوافذ غربتي

وتهيئين القبر من أجلي لأرقد ..في سلام

كم يبعد الشعراء عن الحانهم ..كي يكتبوا اشياء اخرى

لاتخص العاشقات

اذن

ساعلن في المدينة عن حياتي

ثم اخرج عارياً .. في هيئة الاطفال

كي اجد البراءة في ثياب الانقياء

اكذا نموت ..كما ولدنا ..عاريين من البكاء

انه وطن جميل ..رغم التناقض في ازقته

ولكن كيف يمكن ان اعود الي السماء ؟؟؟

اني غريب..والان قد ادركت بعض خصائص الكون الرحيب

فلا مفر من الحبيبة

سوف اصنعها لتكتب عن دمي نثرا

وتضع ثورةً للحلم والوطن الحبيب

سوف اصنع لي حبيبة

سوف اصنع لي وطن

لهاشم صديق:ambulance:

soma

06-19-2006, 04:26 PM

ابن الكلاكلة............لك من التحايا حد...الاكتفاء
واشكرك علي اختيار الراقي....ودعني اشاركك بــ... جنة القمري
هاشم صديق
ايديك تمسح وهن دربي
سلامــــــــــك في العروق يسري
شفايفــــــــــــــــك
فيها نار جمري
وحضنــــــــــــــــك
جنة القمري

ميمى

06-26-2006, 02:54 PM

zad-alshjoon

07-13-2006, 02:17 AM

لك التحية اخي ود الكلاكلة .....

ومشكووور على هذه الابيات يا ملك

ابو الهمسات

06-23-2008, 01:59 AM

مشكور ود الكلاكله

وتقبل مروري

husein eisa

06-23-2008, 02:20 PM

مشكور جدا ,,,, ورائع روعة النيل العظيم ,,,,
ومزيداً من الإبداع ,,, ونتمنى أن نطلع على المزيد من روائع هاشم صديق
ولك مني كل الود ,,, وتقبل مروري
ود الدوحة